नागपूर :  उपराजधानीतील सर्वाधिक व्यस्त मार्गांपैकी एक असलेला कामठी मार्गावर 'यूनिक' रेल्वे पुलाची उभारणी करण्यात येत आहे. त्यासाठी रेल्वेपुलाखालील संपूर्ण वाहतूक रोखून धरण्यात आली आहे. यामुळे नागरिक व वाहनचालकांना गैरसोयींचा सामना करावा लागत आले. 

हेही वाचा - अखेर तरुणाच्या मृत्यूचा उलगडा, प्रियकराच्या मदतीने पत्नीनेच केला खून

उत्तर नागपूरला जोडणारा महत्त्वपूर्ण मार्ग असलेल्या कामठी मार्गावर दिवस रात्र वाहनांची वर्दळ असते. गड्डीगोदाम गुरुद्वाराजवळ याच मार्गावर असलेला संकीर्ण जुना रेल्वेपूल वाहनांच्या वर्दळीसाठी फारच अपुरा ठरत आहे. याच मार्गावरून मेट्रोही धावणार आहे. भविष्यातील गरज लक्षात घेता अस्तित्वातील पुलाच्या रुंदीकरणासह वरून पुन्हा वाहनांसाठी पूल व त्यावरून मेट्रो धावणार आहे. यापूर्वी खांबांची उभारणी करण्यात आली आहे. सुमारे दोन महिन्यांपूर्वी उंच वाहन अस्तित्वातील रेल्वेपुलाखालून जाताना रुळाखालील गर्डरला धडकले होते. त्याच्या दुरुस्तीसाठी गेल्या दोन महिन्यापासून पुलाखालील वाहतूक पूर्णपणे थांबविण्यात आली आहे.

हेही वाचा - Success Story : अभियांत्रिकीचा विद्यार्थी 'स्क्रॅप'ची लावतोय योग्य विल्हेवाट, साकारतो...

एका पुलाच्या दुरुस्तीसाठी रेल्वेला दोन महिन्याचा कालावधी लागत असल्याने नागरिक त्रासून गेले आहेत. विकास कामांना कुणाचा विरोध नाही. पण, कामांची गती फारच संथ असल्याने नागरिकांना अडचणीचा सामना करावा लागत आहे. त्यात कामासाठी निश्चित कालावधी न दिल्याने नागरिक संताप व्यक्त करू लागले आहेत. बऱ्याच कालावधीपासून कामे खोळंबलेली दिसून येत आहेत. काहीशी हालचाल सुरू असली तरी ती फारच संथगतीने असल्याने नागरिकांकडून नाराजीचा सूर उमटू लागला आहे. लगतच्या मार्गावर सतत वाहतूक कोंडी होत असल्याने वाहनचालक त्रस्त आहेत. 

हेही वाचा - महाविकासआघाडीचे पदवीधर आमदार ॲड. अभिजित वंजारी कोरोना पॉझिटिव्ह

समस्या अधिकच गंभीर - 
मंगळवारी बाजार हा पर्यायी मार्ग वाहनचालकांसाठी आहे. पण, वाहनांची गर्दी वाढल्याने दिवसभर वाहतूक कोंडीचे चित्र असते. बाजाराच्या दिवशी ही समस्या अधिकच गंभीर होते. नियमितपणे या मार्गावरून जाणाऱ्यांना सध्या मोठे दिव्य पार पाडावे लागते. त्यातही वाहतूक सुरळीत करण्यासाठी अनेकदा पोलिस कर्मचारी राहत नसल्याने बरेचदा भयावह परिस्थिती निर्माण होते.