नागपूर ः नागपूर शहर पोलिस दलातील सर्वाधिक वादग्रस्त पोलिस निरीक्षक अरविंद भोळे हा सर्वप्रथम ‘लुटेरी दुल्हन’ नावाने ओळखल्या जाणाऱ्या प्रीतीमुळे चर्चेत आला आहेत. ‘प्रीती’ला पोलिस ठाण्यात पत्नीप्रमाणे वागविणे त्याला महागात पडले. तिच्या मैत्रिणीने भोळेच्या कानशिलात वाजविल्याची चर्चा शहर पोलिस दलात होती. 

हेही वाचा - धक्कादायक! मुन्ना यादवविरुद्ध तक्रार देणाऱ्या महिलेचे जाळले घर; पीडितेच्या आईस ठार मारण्याचा...

सूत्रांनी दिलेल्या माहितीनुसार, अरविंद भोळे हा नागपूर शहर पोलिस दलात तीन वर्षांपूर्वी रूजू झाला होता. महिलांशी जवळिक साधण्याच्या सवयीमुळे त्याला ठाणेदारी मिळू शकली नव्हती. तो नंदनवन पोलिस ठाण्यात द्वितीय पोलिस कार्यरत असताना एका महिला कर्मचाऱ्याला त्रस्त करीत होता. तिने तथाकथित सामाजिक कार्यकर्ता आणि ‘लुटेरी दुल्हन’ नावाने फेमस असलेल्या प्रीती नावाच्या महिलेला हकीकत सांगितली. त्यामुळे त्या महिला पोलिसाची मध्यस्थी करतानाच प्रीतीच त्याच्या प्रेमाच्या जाळ्यात फसली. प्रीतीला लग्नाचे आमिष भोळेने दाखवले. त्यामुळे त्याच्या प्रेमात ती आकंठ बुडाली होती. 

नंदनवन पोलिस ठाण्यात प्रीती आणि तिची मैत्रिण भोळेला भेटायला गेल्या होत्या. दरम्यान भोळेने प्रीतीवर हात उगारला होता. त्यामुळे चिडलेल्या प्रितीच्या मैत्रिणीने त्याच्या कानशिलात लगावली होती, अशी चर्चा होती. या प्रकारामुळे नंदनवन पोलिस ठाण्यात मोठा राडा झाला होता. या प्रकरणानंतरच भोळेची पोलिस नियंत्रण कक्षात बदली होती. 

हेही वाचा - ‘गाव बसा नही की लुटेरे आ गये’; जिल्हा परिषदेचे राजकारण सुरू; इच्छुकांकडून मोर्चे बांधणी

पोलिस उपनिरीक्षकाने दिला फ्लॅट

पोलिस निरीक्षक अरविंद भोळेने गिट्टीखदानमध्ये राहणाऱ्या विधवा महिलेला प्रेमाच्या जाळ्यात ओढले. तिला पोलिस उपनिरीक्षक काळूसे यांच्या फ्रेंड्स कॉलनीतील फ्लॅटवर नेले. त्याच फ्लॅटमध्ये विधवेला लग्नाचे आमिष दाखवून बलात्कार केला. तिचे अश्‍लील फोटो आणि व्हिडीओ तयार केले. गेल्या काही महिन्यांपासूच काळूसे यांच्या फ्लॅटमध्येच तिला ठेवले होते. 

संपादन - अथर्व महांकाळ