नागपूर : कोराडीतील एका पॉश इमारतीत सुरू असलेल्या सेक्स रॅकेटवर डीसीपीच्या विशेष पथकाने मंगळवारी छापा घातला. या छाप्यात देहव्यापार करणाऱ्या दोन तरुणींना ताब्यात घेण्यात आले, तर त्यांच्याकडून वेश्याव्यवसाय करवून घेणाऱ्या दलालाला अटक करण्यात आली.
पोलिसांनी दिलेल्या माहितीनुसार, उपराजधानीतील दलाल चंद्रशेखर सुब्रमण्यम मुदलीयार (वय 45, प्लॉट क्र. 75, विजय को-ऑपरेटिव्ह सोसायटी, कोराडी नाका) हा पुन्हा सक्रिय झाल्याची माहिती झोन पाचचे पोलिस उपायुक्त नीलोत्पल यांच्या विशेष पथकाचे प्रमुख प्रशांत अन्नछत्रे यांना मिळाली. मंगळवारी सायंकाळी चंद्रशेखरकडे बोगस ग्राहक (पंटर) पाठविण्यात आला. त्याने दोन तरुणींची मागणी केली. चंद्रशेखरने सहा हजार रुपयांमध्ये दोन तरुणींचा सौदा केला. तसेच दोन्ही तरुणींना पाचशे रुपये देण्याची अट घातली.
चंद्रशेखरने पंटरला विजय को-ऑपरेटिव्ह सोसायटी, कोराडी नाका येथे नेले. दोन्ही तरुणी रूममध्ये बसलेल्या होत्या. पंटर रूममध्ये गेल्यानंतर त्यांने पोलिसांना इशारा केला. दबा धरून बसलेल्या पोलिसांनी लगेच छापा घालून दोन्ही तरुणींना ताब्यात घेतले, तर दलालाला अटक केली. ही कामगिरी एपीआय प्रशांत अन्नछत्रे, विनोद सोनटक्के, मृदुल नगरे, चेतन जाधव, योगेश ताथोड, अशोक दुबे, रवींद्र राऊत, विद्या ठाकूर आणि गौरी हेडाऊ यांनी केली.
आर्थिक चणचणीमुळे देहव्यापार
देहव्यापारामध्ये सापडलेली एक 21 वर्षीय तरुणी गोंदियाची आहे. लॉकडाउनमुळे आर्थिक अडचण आल्यामुळे गोंदियातून ती देहव्यापारासाठी आली होती. दुसरी 22 वर्षीय तरुणी वर्धा रोडवर राहते. हॉटेलमध्ये काम करताना ग्राहकांनी तिला ऑफर दिली होती. पगारापेक्षा चौपट पैसे कमवीत असल्यामुळे ती देहव्यापाराकडे वळली, अशी माहिती सूत्रांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.