नागपूर : मोहरम यात्रेत भेट झाल्यानंतर परवेज फिरोज खान आणि रिया (काल्पनिक नाव) यांचे प्रेमप्रकरण सुरू झाले. चार वर्षांपासून प्रेमसंबंध ठेवल्यानंतर रिया गर्भवती झाली. नंतर मात्र, त्याच्या मनात वेगळेच शिजले. तसा तो मनातून हादरला होता. मग त्याने गर्भपात केल्यास विवाहाचे (boyfriend arrested) वचन दिले. बळजबरीने गर्भपात करण्यास बाध्य केल्यानंतर परवेजने (Atrocities on girl) वचनभंग केल्याने रियाने पोलिसात तक्रार दिली. हा प्रेमवीर आता तुरूंगाची हवा खात आहे. (refused-to-get-married-after-being-abused-by-boyfriend-in-Nagpur)
पोलिसांनी दिलेल्या माहितीनुसार, २५ वर्षीय युवती ही इमामवाड्यात आई-वडिलांसह राहते. सप्टेबर २०१७ मध्ये मोहरमच्या यात्रेत परवेज खान (रा. मोमीनपुरा, डोबी एरिया) याच्याशी तिची ओळख झाली. परवेज हा खासगी ॲम्ब्युलन्सचा चालक आहे. त्याने रियाचा मोबाईल क्रमांक घेतला आणि चॅटिंग करायला लागला. दोघांनीही चॅटिंग सुरू केली. दोघांनी एकमेकांची भेट घेतली. त्यानंतर त्यांची घट्ट मैत्री झाली. दोघांच्या भेटी-गाठी होत राहिल्या.
त्याने २०१८ मध्ये रियाला ‘लॉंग ड्राईव्ह’ला नेले. तेथून त्याने थेट सदरमधील मंगळवारी कॉम्पलेक्समध्ये राहणाऱ्या स्टेला आंटी हिच्या घरी नेले. घरात कुणीही नसल्याची संधी साधून त्याने शारीरिक संबंधाची मागणी केली. रियाने नकार देताच परवेजने बलात्कार केला. १० दिवसांनंतर तो इमामवाड्यात आला आणि रियाला बळजबरीने दुचाकीवर बसायला लावून घेऊन गेला. त्याने जंगलात नेऊन बलात्कार केला. यानंतर परवेज वारंवार रियाशी शारीरिक संबंध प्रस्थापित करायला लागला.
परवेज खान हा रियाच्या घरी जाऊनसुद्धा बळजबरी शारीरिक संबंध प्रस्थापित करीत होता. फेब्रुवारी २०२१ ला रिया गर्भवती झाली. तिने परवेजला फोन करून ‘गुड न्यूज’ दिली. परवेज लगेच तिच्या घरी आला. त्याने तिची इच्छा नसताना गर्भपात करण्यास सांगितले. तिने नकार दिला असता गर्भपात केल्यानंतर लगेच लग्न करण्याचे आमिष दाखवले.
लग्नास केली टाळाटाळ
मार्च महिन्यापासून तो तिला लग्नाचे आमिष दाखवत होता. तिने लग्न करण्याबाबत तगादा लावला असता टाळाटाळ करू लागला. त्यानंतरही तिच्यावर लैंगिक अत्याचार सुरूच होता. परवेजने नातेवाईक मुलीशी लग्न करण्याचा निर्णय घेत रियाला लग्नास नकार दिला. त्यामुळे रियाने सदर पोलिस स्टेशनमध्ये तक्रार दिली. पोलिसांनी गुन्हा दाखल करून परवेजला अटक केली.
(refused-to-get-married-after-being-abused-by-boyfriend-in-Nagpur)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.