नागपूर : सावकारकडून कर्ज घेणे शहरातील किराणा व्यवसाईकाला चांगलेच महागीत पडले. सावकाराच्या साथीदारांनी धमकावत घेतलेल्या कर्जापेक्षा अधिकचा परतावा बळजबरीने वसूल केला. यानंतरही सावकाराचा ससेमीरा कायमच आहे. त्याच्या साथीदाराने अधिकच्या परतफेडीसाठी जीवे मारण्याची धमकी दिली. 

या प्रकाराने घाबरलेल्या व्यवसाईकाने अखेर पोलिसात तक्रार केली. पोलिसांनी सावकार पिता-पुत्र व साथीदार अशा तिघांविरुद्ध खंडणीखोरीसह, महाराष्ट्र अधिनीयमान्वये गुन्हा नोंदिवला आहे.

हेही वाचा - चक्‍क देवीसमोर गुडघे टेकले होते कट्टर इस्लाम मानणारा बादशहा औरंगजेबाने! वाचा कुठे आहे मंदिर

संजय रामुजी फातोडे (४६), रजत संजय फातोडे (२२), प्रफुल्ल ऊर्फ दादू गायकवाड (२२) अशी आरोपींची नावे आहेत. रामनगर येथील रहिवासी सागर देशमुख (२१) असे तक्रारदाराचे नाव असून त्याचे किराणा मालाचे दुकान आहे. आरोपी फातोडे पिता-पुत्राचा कंस्ट्रक्शन व डेव्हलपर्सचा व्यवसाय आहे. त्यांचे पांढराबोडी पोलित चौकीच्या मागील भागात संजय कंस्ट्रक्शन बिल्डर्स अॅन्ड डेव्हलपर्स नावाने कार्यालय आहे. याच कार्यालयातून ते सावकारीचाही व्यावसाय करीत असल्याचा तक्रारदाराचा आरोप आहे. 

दादू हा वसुलीची कामे पाहतो. सागरला दुकानासाठी पैशांची गरज होती. ऑक्टोबर २०१९ मध्ये त्याने फातोडेकडून १५ हजार रुपये घेतले. त्याच्या आर्थीक अडचणींचा फायदा घेत अवास्तव बेकायदेशीर व्याज दराने पैसे दिले. शिवाय कोऱ्या पेपरवर सही, आधार कार्डची झेरॉक्स प्रत व दोन फोटो घेवून पावती बुकवर स्वाक्षरी घेतली. त्यानंतीर वेळोळेळी धमकावून २० हजार रुपये बळजबरीने वसूल केले. 

क्लिक करा -  मन झाल हळव; हसत-खेळत सोयाबीन पेरली, चांगला पाऊसही झाला, स्वप्नही रंगवले, मात्र...

यानंरही दादू हा त्याच्या अन्य एका मित्रासह येऊन वसुलीसाठी वारंवार शिवीगाळकरून जिवे ठार मारण्याची धमकी द्यायचा. या प्रकाराला कंटाळून अखेर सागरने तक्रार दिली. 

संपादन - अथर्व  महांकाळ