state governemnt is ready to take Winter assembly of 2 weeks  
नागपूर

यंदा हिवाळी अधिवेशन दोन आठवड्यांचेच; प्रशासनाची तयारी; ५० कोटींचा खर्च

निलेश डोये

नागपूर : पावसाळी अधिवेशन तीन दिवसात आटोपल्याने हिवाळी अधिवेशन किमान तीन आठवडे चालणार असल्याचा अंदाज व्यक्त करण्यात येत होता. परंतु, दोन आठवड्यात अधिवेशन गुंडाळण्याची तयारी सरकारने केली आहे. दुसरीकडे प्रशासनाने अधिवेशनाची तयारी सुरू केली असून ५० कोटीच्या खर्चाचा प्रस्ताव तयार केला आहे.

राज्य विधिमंडळाचे हिवाळी अधिवेशन येत्या ७ डिसेंबरपासून नागपुरात सुरू होत आहे. नागपूर कराराप्रमाणे दरवर्षी हिवाळी अधिवेशन नागपुरात होते. कोरोनाचा प्रादुर्भाव लक्षात घेता काँग्रेसच्या काही नेत्यांनी अधिवेशनाला विरोध दर्शवला आहे. यावर होणार खर्च कोरोनासाठी खर्च करण्याची मागणी होत आहे. 

विधानसभेचे अध्यक्ष नाना पटोले हिवाळी अधिवेशन नागपुरात घेण्याबाबत आग्रही आहे. ठरल्यानुसारच अधिवेशन होईल, असे त्यांनी स्पष्ट केले आहे. विधिमंडळ सचिवालयाकडून अधिवेशनाचा कार्यक्रम निश्चित करण्यात आला आहे. दोन आठवड्यांचा हा कार्यक्रम आहे. ७ डिसेंबर ते १८ डिसेंबरपर्यंतचा हा कार्यक्रम आहे. असे असले तरी एक आठवड्याचा जादा कार्यक्रम तयार करण्याच्या सूचना विधान परिषद सभापती यांनी दिल्या आहेत.

१९ ऑक्टोबरपर्यंत स्वीकारणार प्रश्न

पावसाळी अधिवेशन कमी दिवसांचे असल्याने तारांकित प्रश्न वगळण्यात आले होते. तारांकित प्रश्न वगळल्याने चांगलाच विरोध झाला होते. यावेळी ते स्वीकारण्यात येणार आहे. पहिल्या टप्प्यातील प्रश्नांसाठी १९ ऑक्टोबरपर्यंत सूचना करायच्या आहेत. तर दुसऱ्या टप्प्यातील प्रश्न सूचना १० नोव्हेंबरपर्यंत करायच्या आहे.

५० कोटींचा खर्च

अधिवेशनासाठी विधानभवन, रविभवन, नागभवन, आमदार निवास सॅनिटाईझ करण्यात येणार असून देखभाल दुरुस्ती तसेच रंगरंगोटीचे काम करण्यात येणार आहे. त्याच प्रमाणे मंडप डेकोरेशन व इतर कामेही करण्यात येणार असून यावर ५० कोटींपेक्षा जास्त खर्च करण्याचा प्रस्ताव बांधकाम विभागाकडून तयार करण्यात आला आहे. नुकतेच विभागीय आयुक्त कार्यालयात अधिकाऱ्यांची याबाबत बैठक झाल्याचा माहिती आहे.

संपादन - अथर्व महांकाळ 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Google IIT Kharagpur: आयआयटी खरगपूरच्या एआय संशोधनासाठी गुगलकडून 50 लाख डॉलर्सचा निधी; सुंदर पिचाई यांची भावुक पोस्ट

Malegaon Sugar Factory : माळेगावची उसाला पहिली उचल ३९०० रुपये जाहीर

Latest Marathi News Live Update: नऱ्हे पोलिसांनी ८.५ तोळे सोन्याचे दागिने केले हस्तगत

MS Dhoni Brand Value: क्रिकेटमधून रिटायर, पण जाहिरातीत धोनीचाच जलवा! विराट, रोहित अन् सचिनलाही टाकले मागे

उद्या शुक्राचं स्वराशीत पुनरागमन! ५ राशींचं नशीब पालटणार; पैसा, प्रेम आणि नोकरीत मिळणार लाभ

SCROLL FOR NEXT