नागपूर : पतीसोबत घरमालकाचे भांडण सुरू असताना मध्यस्ती करायला जाणे गर्भवती पत्नीला चांगलेत महागात पडले. ही गंभीर घटना नागपुरातील गजानन नगर भागात घडली, 

पतीसोबत होत असलेल्या वादात मध्यस्थी करणाऱ्या गर्भवतीच्या पोटावर घरमालक युवकाने लाथ मारली. त्यामुळे गर्भवतीची प्रकृती खालावली. तिला लगेच रुग्णालयात दाखल करावे लागले. ही थरारक घटना एमआयडीसी परिसरात घडली. या प्रकरणी दिलेल्या तक्रारीवरून पोलिसांनी शेजारी युवकाविरूद्ध गुन्हा दाखल केला. 

पोलिसांनी दिलेल्या माहितीनुसार, राजीया खातून मुस्ताक मुजावर (वय 21, रा. गजानन नगर, एमआयडीसी) यांच्या पतीचे आज दुपारी दीड वाजताच्या सुमारास घरमालक महिलेशी सांडपाण्यावरून वाद झाला. याच कारणावरून गेल्या दोन दिवसांपासून त्यांच्यात धुसपूस सुरू होती. वाद झाल्यानंतर राजीया खातून आणि पती मुस्ताक हे घरी आले. दुपारी आरोपी युवक मोहम्मद हुसेन आशिक अली मुजावर हा घरी आला.

पोटावर मारली लाथ 
त्याला पत्नी सायरा मुजावर हिने मुस्ताकने दमदाटी केल्याचे सांगितले. त्यामुळे चिडलेला आरोपी मो. हुसेन हा मुस्ताक याच्या घरी गेला. त्याने मुस्ताकशी वाद घालून मारहाण करण्यास सुरूवात केली. त्यामुळे तीन महिन्यांची गर्भवती असलेली पत्नी राजीया खातून हिने दोघांचा वाद सोडविण्याचा प्रयत्न केला. मात्र, आरोपी मो. हुसेनने गर्भवती असलेल्या राजीया हिच्या पोटावर जोरदार लाथ मारली.

- खासदार नवनीत राणा यांची न्यायालयात हजेरी, तत्कालीन खासदारासोबत आहे हा वाद...

घरमालकावर गुन्हा दाखल 
त्यामुळे ती भिंतीला धडकून खाली पडली आणि बेशुद्ध झाली. तिला पतीने लगबगीने रूग्णालयात दाखल केले. ती गंभीर जखमी झाली असून तिच्यावर सध्या उपचार सुरू आहे. आरोपी घरमालक आणि मुस्ताक हे दोघेही भंगार विक्रीचे काम करतात.