नागपूर : पाच राज्यांच्या निवडणुकांच्या काळात स्थिर असलेले इंधनाचे दर (Fuel rates) निकालानंतर सात दिवसांपासून सतत वाढत आहे. पेट्रोलची (Petrol) वाटचाल शंभरीच्या दिशेने सुरू झाली आहे. ४ मेपासून सलग सात दिवसांच्या दरवाढीनंतर पेट्रोलचा दर हा ९८.२४ पैसे आणि डिझेल (Diesel) दर ८८.२९ पैसे प्रतिलिटर झाले आहे. (Towards petrol hundred)

सात दिवसांत पेट्रोलच्या दरात प्रति लिटर १ रुपया ४० पैसे वाढ झाली. तर डिझेलच्या दरात १.४२ पैसे वाढ झाली होती. शहरांमध्ये काल पेट्रोलच्या दरात २४ पैसे तर डिझेलच्या दरात २६ पैशांनी वाढ झाली आहे. फेब्रुवारीनंतर मेमध्ये पुन्हा एकदा इंधनाच्या दरात सातत्याने वाढ होत आहे. जागतिक स्तरावर लसीकरण मोहिमेसह अन्य कारणांमुळे आंतरराष्ट्रीय बाजारात कच्च्या तेलाच्या किमतीत वाढ झाली आहे. त्याचबरोबर डॉलरच्या तुलनेत रुपयाही कमजोर होत आहे. त्यामुळे पेट्रोल-डिझेलच्या दरात सातत्याने वाढ होत आहे.

दररोज नवे दर

दररोज सकाळी सहाच्या दरम्यान तेल कंपन्यांकडून पेट्रोल आणि डिझेलचे नवे दर जारी केले जातात. Goods Return या वेबसाइटने काल पेट्रोल-डिझेलचे दर जारी केले आहेत. पेट्रोल, डिझेलच्या वाढत्या किमतीचा परिणाम सर्वांवर होतो. त्यामुळे सर्वसामान्यांचे लक्ष दररोज बदलणाऱ्या किमतीवर असते.

तारीख - पेट्रोल - डिझेल

6 मे - 97.38 - 87.56

7 मे - 97.69 - 87.63

10 मे - 97.74 - 87.76

11 मे - 98.00 - 88.03

12 मे - 98.24 - 88.2९

(Towards petrol hundred)