नागपूर : शुक्रवारी सायंकाळी पोलिस उपायुक्त नीलोत्पल यांच्या वाहनाला ट्रकने जोरदार धडक दिली. सुदैवाने या अपघातात कुणीही जखमी झाले नाही. जरीपटका पोलिस ठाण्याजवळील चौकात ही घटना घडली. पोलिसांनी आरोपी ट्रकचालकाला ताब्यात घेतले.
शेख सैफून (24, रा. पश्‍चिम बंगाल) असे आरोपी ट्रकचालकाचे नाव आहे. शुक्रवारी सायंकाळी पोलिस उपायुक्त नीलोत्पल हे आपल्या शासकीय वाहनातून कार्यालयाकडे जाण्यासाठी निघाले होते. जरीपटका पोलिस ठाण्याजवळील चौकात रेड सिग्नल असल्याने चालकाने कार थांबविली. त्याचवेळी 12 चाकी ट्रक मागून कारवर धडकला.
सुदैवाने ट्रकची गती कमी असल्याने उपायुक्त नीलोत्पल आणि त्यांच्या शासकीय चालकाला कोणतीही दुखापत झाली नाही. केवळ कारच्या एका दाराचे काहीसे नुकसान झाले आहे. माहिती मिळताच जरीपटका ठाण्याचे पथक घटनास्थळी पोहोचले. ट्रकचालक शेख सैफून आपल्या सिटवरच बसून होता. त्याला ताब्यात घेण्यात आले. वेळीच ब्रेक न लागल्याने डॅश लागल्याचे त्याचे म्हणणे आहे. रात्री उशिरापर्यंत या प्रकरणात गुन्हा दाखल करण्याची प्रक्रिया सुरू होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.