नागपूर : शनिवारी सदस्यांच्या शेरेबाजीमुळे रागाच्या भरात काही सेकंदात सभागृह सोडून निघून गेलेले आयुक्त तुकाराम मुंढे यांनी आज दिवसभर सदस्यांचे टीकास्त्र सहन केले. काही सदस्यांनी जहरी टीका केल्यानंतरही ते केवळ टिपण लिहून घेत होते. एकूणच दिवसभरातील त्यांच्या संयमाने अनेकांना आश्चर्यात टाकले.
"निंदकाचे घर असावे शेजारी' असे संतांनी म्हटले आहे. आज अगदीच जवळून स्वतःची निंदा ऐकत आयुक्त तुकाराम मुंढे यांनी मोठा संयम दाखविला. शनिवारी सभागृहातील सभात्याग नाट्यानंतर आयुक्त तुकाराम मुंढे सभागृहात येतील की नाही, याबाबत शंका व्यक्त केली जात होती. आज सभागृह सुरू होताच, त्यांनी सभागृहात "एन्ट्री' घेतली. त्यानंतर सायंकाळपर्यंत ते बसून होते.
स्थगन प्रस्तावावर चर्चेदरम्यान अनेक सदस्यांनी त्यांच्या कार्यपद्धतीवर टीका केली. अनेकांनी तर त्यांच्यामुळे नगरसेवक वाईट होत असल्याचे सांगितले. त्यांच्यामुळे दीडशे वर्षे जुनी महापालिका बदनाम होत असल्याचे टोलेही काहींनी हाणले. सर्वांशी मिळून काम करावेच लागेल, अशा शब्दातही आयुक्तांवर काहींनी तोंडसुख घेतले. मात्र, शनिवारी एका शेरेबाजीने रागाने निघून जाणारे आयुक्त मुंढे यांनी आज संयम दाखवून सभेच्या कामाकाजात भाग घेतला. यावेळी त्यांनी प्रत्येकाकडून आलेल्या सूचना, टीकाही लिहून घेतल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.