tukaram mundhe 
नागपूर

Video : तुकाराम मुंढे देत होते शिस्तीचे अन् मध्येच एकाचा मोबाईल खणखणला... नंतर झाली ही कारवाई

सकाळवृत्तसेवा

नागपूर : महानगरपालिकेचे आयुक्त तुकाराम मुंढे यांनी आज शिवजयंती सोहळ्यात अधिकारी आणि कर्मचाऱ्यांचा चांगलाच क्‍लास घेतला. कार्यालयात जीन्स घालून येऊ नये, हे आयुक्तांनी सुरुवातीलाच सांगितले होते. तरीही आजच्या कार्यक्रमात एक कर्मचारी जिन्स घालून आला. त्यामुळे "माझ्याकडेही भरपूर जीन्स आणि टी शर्ट आहेत', असे सुनावत "आज सांगतो, यापुढे वॉर्नींग देणार नाही', असे त्या कर्मचाऱ्याला सुनावले. याच वेळी एका कर्मचाऱ्याचा मोबाईल फोन वाजला, तो लगेच मुंढेंनी जप्त केला.

ऑफिस वेअर काय आहे, हे तुम्हाला सांगण्याची गरज आहे, असे मला वाटत नाही. त्यामुळे कार्यालयात येताना नेहमी साधे कपडे घालावे. दररोज दाढी करा. जर तुम्ही ही सुधारणा केली नाही, तर मग गणवेश सक्तीचा करायचा का, असा प्रश्‍न मुंढेंनी कर्मचाऱ्यांना विचारला.

मुंढे म्हणाले, या कार्यालयामध्ये तुम्हाला जी खुर्ची मिळाली आहे, त्यामुळेच समाजात तुमचे स्टेटस आहे. त्यामुळे तुम्ही तुमच्या कामाशी किती प्रामाणिक राहायला पाहिजे, हे तुम्हालाच कळायला हवे. लहान-सहान चुका असतील तर त्या दुरुस्त करता येतील. पण गंभीर चुका, वारंवार केल्या जाणाऱ्या चुका खपवून घेतल्या जाणार नाहीत.

माझ्याकडेही जीन्स, टी शर्ट आहेत
लक्षात ठेवा, चुकीची पुनरावृत्ती खपवून घेतली जाणार नाही. आढावा घेत असताना लक्षात आले की, एक कर्मचारी 90 दिवस गैरहजर होता. तरीही त्याचे वेतन काढले गेले. आता असे होता कामा नये, म्हणजे होणारच नाही. सातवा नाही दहावा वेतन आयोग घ्या, पण त्या दर्जाच कामही करा. दायीत्व स्विकारण्याचे मूल्य जोपर्यंत तुमच्यात रुजणार नाही, तोपर्यंत संस्था म्हणून आपण पुढे जाणार नाही. 

आपल्याकडे शिस्तीच्या बाबतीत कुणीही गंभीर नाही. आपला कायदा वाचा, म्हणजे शिस्त आपोआपच येईल. 10 वाजता येऊन 6 वाजता घरी जाणे, फक्त एवढेच करू नका. असे कराल तर माणूस आणि जनावर यात काहीच फरक नाही, असे समजा. माणूस आहात, कामात बुद्धीचा वापर करा. 10 दिशांना 10 तोंड, अशी आपली आजची स्थिती आहे. ती बदलावी लागेल. टीम म्हणून काम करा, रिजल्ट ओरीएंटेड काम करा, असे तुकाराम मुंढे यांनी कार्यालयातील कर्मचा-यांना खडसावले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

T Raja Singh Resignation : ‘’आजच्याच दिवशी बरोबर ११ वर्षांपूर्वी मी...’’ ; भाजपने राजीनामा मंजूर करताच टी.राजा भावनिक!

Pune: सूपमध्ये झुरळ सापडले; पण तक्रारीकडे हॉटेल व्यवस्थापनाचे दुर्लक्ष, नंतर महिलेनं...; पुण्यातील खळबळजनक घटना

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

SCROLL FOR NEXT