नागपूर : कोरोना विषाणूशी सुरू झालेल्या युद्धात उपराजधानीत कोरोनावर मात करणाऱ्या व्यक्तींची संख्या वाढत आहे. महिनाभरात 12 जणांनी कोरोनाला हरवले. तर सद्याच्या स्थितीत इंदिरा गांधी शासकीय वैद्यकीय महाविद्यालय व रुग्णालयात (मेयो) उपचार घेत असलेल्या एकूण कोरोनाबाधितांपैकी दोघे जण कोरोनातून बरे झाले आहेत. परंतु, बरे झालेल्यांच्या कुटुंबातीलच एक व्यक्ती कोरोनावर उपचारासाठी भरती असल्यामुळे या दोघांनी सुटी न घेता एकत्र घरी जाऊ असा संकल्प केला आहे. 

एकीकडे सरकारी रुग्णालयात उपचार करण्यास तयार नसताना कोरोनावर मेयो रुग्णालयातील औषधवैद्यक शास्त्र विभागातील डॉक्‍टर योग्य उपचार करीत असल्याने या विभागातील डॉक्‍टर आणि कोरोनाबाधितांचे एक नाते तयार होत आहेत. यामुळेच बरे झाल्यानंतरही कुटुंबातील एकाची बरे होण्याची प्रतीक्षा रुग्णालयातच करण्याचा मार्ग या कुटुंबातील दोघांनी स्वीकारला असल्याची माहिती नातेवाईकांच्या चर्चेतून प्राप्त झाली.

क्लिक करा - आई... माझी प्रकृती खूप खालावली गं; चालताही येई ना, मात्र... 

मेडिकलमध्ये 27 तर मेयोत 23

सद्या मेडिकल आणि मेयोत 51 रुग्ण भरती आहेत. यातील 27 जण मेडिकलमध्ये कोरोना वॉर्डात भरती आहेत. उर्वरित 23 रुग्ण मेयो रुग्णालयातील कोरोना वॉर्डात दाखल आहेत. यांच्यावर येथे उपचार सुरू आहेत. 

येत्या तीन दिवसांत बरा होण्याची शक्‍यता

एकाच कुटुंबातील तीन व्यक्‍तींना कोरोनाची लागण झाली. उपचारासाठी त्यांना रुग्णालयात दाखल करण्यात आले. योग्य उपचार मिळाल्याने दोन व्यक्‍ती बरे झाले तर तिसरा व्यक्‍ती अजून बरा व्हायचा आहे. येत्या दोन ते तीन दिवसांत तोही बरा होईल. तिसऱ्या व्यक्‍ती बरा झाल्यानंतरच संपूर्ण कुटुंब कोरोनामुक्त होऊन आम्ही घरी जाऊ असा संकल्प दोघांनी केला आहे. त्यांच्या या संकल्पाचे मेयो रुग्णालयात कौतुक करण्यात येत आहेत. 

दोन दिवसांत 13 रुग्णांची भर

उपराजधानीत कोरोनाबाधितांची दर दिवसाला वाढणारी संख्या प्रशासनाची चिंता वाढवणारी ठरली आहे. शनिवार (ता. 18) आमदार निवास येथे विलगीकरणात असलेल्या चार कोरोना संशयितांचा अहवाल मेयोच्या प्रयोगशाळेतून पॉझिटिव्ह आल्यामुळे शहरात कोरोनाबाधितांची संख्या 63 झाली होती. रविवारचा दिवस उजळत नाही तोच आणखी नऊ रुग्ण वाढले आहेत. यामुळे नागपुरातील एकूण रुग्णांची संख्या आता 72 वर पोहोचली आहे. दिवस उजळत नाही तोच रुग्ण वाढत असल्याने प्रशासनाची चिंता चांगलीच वाढली आहे. 

अधिक वाचा - लॉकडाउनमुळे तेलंगणात अडकलेल्या पत्नी, वडिलांनी फोडला हंबरडा; इकडे दोन चिमुकल्यांनी केला पित्

या आठवड्यात एकाच दिवशी आढळला नाही रुग्ण

या आठवड्यात एक दिवस अर्थात बुधवारी दिवसभरात एकही कोरोनाबाधित आढळला नव्हता. यामुळे प्रशासनाला आंशिक दिलासा मिळाला होता. ही साखळी खंडित होणे आवश्‍यक असल्याचे बोलले जात होते. परंतु, गुरुवारी दोघांना, शुक्रवारी एकाला तर शनिवारी आणखी चौघांना कोरोनाची बाधा झाल्यामुळे प्रशासनाची पुन्हा चिंता वाढली आहे. तातडीने प्रशासनाने दोघांना विलगीकरण कक्षातून मेडिकल-मेयो मध्ये उपचारासाठी रवानगी केली आहे.