नागपूर : अनियंत्रित झालेल्या भरधाव बोलेरो पिकअप व्हॅनने पादचाऱ्यांना घडक दिली. यामध्ये एक जण ठार, तर दुसरा गंभार जखमी झाला. गुरुवारी रात्री ११ च्या सुमारास अंबाझरी पोलीस ठाण्याच्या हद्दीत अमरावती मार्गावर न्यू फुटाळा वस्तीत ही घटना घडली.
जीवन लक्ष्मण कनोजिया(४५ ,असे मृताचे, तर संजय हारोडे(३८), असे जखमीचे नाव आहे. दोघेही न्यू फुटाळा वस्तीतील रहिवासी असून रात्री जेवणानंतर घराजवळच फिरत होते. त्याचवेळी बोलेरो पिकअप व्हॅन वाडीकडून रविनगरच्या दिशेने भरधाव जात होती. वाहन भरधाव असल्याने उतारावरून वेग अधिकच वाढून चालकाचा वाहनावरील ताबा सुटला. या वाहनाने रस्त्यावरून फिरणारे कनोजिया आणि होरोडे यांना जोरदार घडक दिली. दोघेही गंभीर जखमी झाले, तर अन्य फिरणारे नागरिक सुदैवाने बचावले.
घटनेनंतर बोलेरोचालक पळून गेला. नागरिकांनी धावपळ करीत कनोजिया यांना शासकीय वैद्यकीय महाविद्यालयात, तर हारोडे यांना खासगी रुग्णालयात दाखल केले. उपचारादरम्यान कनोजिया यांचा मृत्यू झाला. याप्रकरणी अंबाझरी पोलिसांनी गुन्हा दाखल करून आरोपीचा शोध सुरू केला आहे.
कंटेनरच्या धडकेत दुचाकीस्वार ठार -
भरधाव दहा चाकी कंटेनरच्या धडकेत दुचाकीचालक ठार झाल्याची घटना गुरुवारी दुपारी पारडी नाका परिसरात घडली. अनील वालकर (४४), असे मृताचे नाव असून तो मौदा येथील वाकेश्वरचा रहिवासी होता. ते काही कामानिमित्त नागपुरात आले होते. काम आटोपून आपल्या दुचाकीने गावी परतत असताना नाका परितरात भरधाव कंटेनरने त्यांच्या वाहनाला मागून धडक दिली. यात त्यांचा घटनास्थाळीच मृत्यू झाला. याप्रकरणी पारडी पोलिसांनी गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.