Vehicles vandalized by gang of gangsters at Nagpur 
नागपूर

Video : गाढ झोपेत होते नागपूरकर, मध्यरात्री गुंडांनी घातला धिंगाणा

सकाळ वृत्तसेवा

नागपूर : गुंडांच्या टोळक्‍याने गुरुवारी मध्यरात्री यशोधरानगर हद्दीत चांगलाच हैदोस घातला. लाकडी दांडे, तलवारीने प्रहार करण्यासोबतच दगडफेक करीत वाहनांची तोडफोड केली. या घटनेत सुमारे 22 वाहनांचे नुकसान झाल्याची माहिती आहे. यामुळे धम्मदीपनगर आणि वनदेवीनगरात दहशतीचे वातावरण निर्माण झाले आहे. 

गुंडांचे टोळके मध्यरात्री लाठी, काठ्या आणि तलवारी घेऊन धम्मदीपनगरात पोहोचले. त्यांनी घरासमोर उभ्या वाहनांची तोडफोड करणे सुरू केले. आरोपींच्या हातात शस्त्र असल्याने भीतीमुळे कुणीही घराबाहेर पडले नाही. एकामागून एक वाहनांची तोडफोड करीत गुंड बेदरकारपणे पुढे-पुढे जात होते. 

धम्मदीपनगरात काही तीनचाकी वाहने आणि दुचाकींची अशा एकूण 18 वाहनांची तोडफोड करण्यात आली. मुक्तसंचार करीत हे टोळके वनदेवीनगरात शिरले. तिथेही वाहनांची तोडफोड सुरू केली. या भागात सुमारे चार वाहनांची मोडतोड केल्यानंतर गुंड पळून गेले. या घटनेमुळे परिसरात दहशत पसरली होती. 

अधिक वाचा - जॉनी लिव्हर म्हणातात, नागपूरचे लोक लय भारी

माहिती मिळताच यशोधरानगर पोलिसांचा ताफा घटनास्थळी पोहोचला. लागलीच आरोपींचा शोध सुरू करण्यात आला. तपासचक्रे वेगात फिरवित चार आरोपींना ताब्यात घेण्यात आले. वाहनांची तोडफोड करण्यामागील कारण अद्याप कळू शकले नाही. हा थरारक घटनाक्रम परिसरातील सीसीटीव्हीमध्ये कैद झाला आहे.

यापूर्वीही वाहनांची तोडफोड

आरोपींनी धम्मदीपनगर व वनदेवीनगरात 22 वाहनांची तोडफोड केली असून, आरोपींचा शोध घेतला जात असल्याची माहिती यशोधरानगर ठाण्याचे पोलिस निरीक्षक दीपक साखरे यांनी दिली. यापूर्वीसुद्धा शहराच्या विविध भागात अशा प्रकारे वाहनांच्या तोडफोडीच्या घटना पुढे आल्या आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

भारतापासून अमेरिकेपर्यंत शोध सुरू; गोल्डी ब्रार कॅनडाच्या टॉप मोस्ट वॉन्टेड यादीत कसा पोहोचला?

Miley Cyrus Wedding : पहिल्या लग्नाच्या ८ महिन्यांतच झाला होता घटस्फोट; आता मायली सायरस दुसऱ्यांदा अडकणार विवाहबंधनात!

Latest Marathi News Live Update : राष्ट्रीय महामार्गावर सिमेंट पाईपमध्ये घुसली दुचाकी

Tulsi Vivah Remedies for Marriage: लग्न जुळण्यात वारंवार अडथळे येतायत? तुळशी विवाहाच्या दिवशी करा ‘हे’ ५ उपाय, लवकर मिळेल मनासारखा जोडीदार!

पाकिस्तानी मंत्र्यांना ताजमहाल पाहण्याची इच्छा; भारत सरकारने दिला नकार, दौऱ्यात फक्त 'या' ठिकाणी जाण्याची परवानगी

SCROLL FOR NEXT