कामठी (जि.नागपूर) : शहरालगतच्या छावणी परिषदेमधील गोराबाजार येथे राहणा-या 52 वर्षीय व्यक्तीची शुक्रवारी कोरोनाची तपासणी झाली अहवाल प्राप्त होऊनही पूर्ण दिवसभरात त्याला घरून हलविण्यात आले नसल्याने शनिवारी दुपारी त्याचा मृत्यू झाला.
पॉझिटिव्हच्या यादीत नव्हते नाव?
सविस्तर असे की टेलरिंगचे काम करणा-या 52वर्षीय इसमाला गेल्या तीन दिवसांपासून ताप, सर्दी,
खोकला येत होता. त्यांनी कामठी शहरातील एका खासगी डॉक्‍टराकडे उपचार घेतला. परंतु प्रकृती खालावत गेली. शनिवारी त्यांची कोरोना चाचणी केली. बाधितने कामठीतील तपासणी केंद्रावर शुक्रवारीजाऊन कोविडची तपासणी करुन घेतली त्याचा अहवाल चार वाजता शुक्रवारी मिळाला. मात्र प्रशासनाच्या वतीने येणाऱ्या अतिदक्षता वाहनातून नागपूरच्या विलगीकरण कक्षात हलवून उपचार करतील, या अपेक्षेत पॉझिटिव्ह रुग्ण त्याच्या राहत्या घरीच थांबले. मात्र बराच वेळ लोटूनही रुग्ण हा घरीच होता. मात्र स्थानीय प्रशासनाने त्याला घरून नागपूरला हलविण्यात हलगर्जी करून घरीच रात्रभर ठेवले. शनिवारी सकाळी रुग्णवाहिका घरी पोहोचली. मात्र त्या व्यक्तीला नेण्यात आले नाही. रुग्णवाहिकेसोबत घरी आलेल्या कर्मचाऱ्यांनी बाधित व्यक्तीच्या घरातील सदस्यांना पॉझिटिव्ह रुग्णाच्या यादीत नाव नसल्याने नेत नसल्याचे सांगितले, अशी माहिती परिसरातील नागरिकांनी दिली. रूग्णवाहिका परत निघून गेली. शहानिशा करून साडे चार तासानंतर परत साडेतीन वाजता रुग्णवाहिका घरी पोहोचली. मात्र तोपर्यंत उशीर झाला होता. त्याचा मृत्यू झाला होता. मृत्यू झाल्याने परिसरात खळबळ माजून भीतीचे वातावरण निर्माण झाले.
मृतदेह होता घरीच पडून
मृत्यूनंतरही रात्री नऊ वाजेपर्यंत शव घरीच पडून होते. तालुका व जिल्हा प्रशासनाला माहिती मिळताच प्राशासनात खडबळ उडाली. लगेच जिल्हाधिकारी रविंद्र ठाकरे यांनी सर्व संबंधित प्रशासकीय अधिकाऱ्यांची तहसील कार्यालयात तातडीची बैठक बोलावून कामठी परिसरात कोरोनाने होत असलेल्या मृत्यूबद्दल विशेष उपाययोजना करण्यासंदर्भात मार्गदर्शन केले. अखेर काय करायचे, कुणालाही कळेना, काहींनी तहसीलदार, उपविभागीय अधिकारी, कामठी तहसील कार्यालयात आढावा घेण्यास आलेल्या जिल्हाधिका-यांना मृत्यू झालेल्या व्यक्तीचे शव कधी नेण्यात येणार, याबद्‌दल विचारपूस केली. त्यावर जिल्हाधिकारी ठाकरे यांनी याबाबत निर्णय तहसीलदार घेणार असल्याचे सांगितले.
अधिक वाचा :लॉकडाउनचा होणार नाही शेतीकामावर परिणाम, काय आहे कारण...
नियमानुसार अंतिम संस्कार
या कोरोनाबधित रुग्णाच्या कुटुंबातील सदस्यांची कोरोना चाचणी तपासणी करीत लक्षणे असलेल्या कुटुंबीय सदस्यांना पुढील उपचारार्थ विलीगीकरण कक्षात हलविण्यात येईल तर
कोरोनाची लक्षणे नसलेल्या सदस्यांना घरीच होमक्‍वारंटाईन करण्यात येईल. मृताच्या पार्थिवावर अंत्यसंस्कार प्रशासनाच्या वतीने कुटुंबीय सदस्यांच्या मुख्य उपस्थितीत कन्टोन्मेंट रूग्णलयातील डॉक्‍टर त्या इसमाच्या मृतदेहावर रासायनिक प्रक्रिया करून केवळ चारच नातेवाईकांच्या उपस्थित अंत्यसंस्कार करण्यात येणार असल्याचे छावणी परिषदेचे कार्यकारी अधिकारी अभिजित सानप यांनी सांगितले.
ते आरोप खोटे !
मृत कोरोनाबाधित रुग्ण हा कोरोना पॉझिटिव्ह आल्याची माहिती कळताच त्वरित छावणी परिषद प्रशासनाच्या वतीने दोनदा रुग्णवाहिका पाठविण्यात आली. मात्र रुग्णाने हॉस्पिटलला येण्यास नकार दिला. मृताच्या पार्थिवावर अंत्यसंस्कार प्रशासनाच्या वतीने कुटुंबीय सदस्यांच्या मुख्य उपस्थितीत करण्यात येणार असल्याची माहितीसुद्धा अधिकारी सानप यांनी दिली. या चर्चेच्या आरोपाला निरर्थक व खोटा असल्याचे छावणी परिषदेचे कार्यकारी अधिकारी अभिजीत सानप यांनी सांगितले.
संपादन : विजयकुमार राऊत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.