नागपूर : देशात कोरोनाचा शिरकाव झाल्यापासून लग्न सोहळे नावापुरतेच राहिले आहे. सुरुवातीच्या काळात अनेकांनी निर्बंध हटेल आणि थाटात लग्न करता येईल म्हणू लग्नाची तारीख (Wedding invitations) वाढवली. मात्र, कोरोना वाढत गेला आणि सरकारचे नियमही कडक होत गेले. यामुळे कमीत कमी लोकांमध्ये विवाह करण्याची प्रथा आता रूढ झाली आहे. सोमवारपासून (ता. ७) सरकारने लग्न सोहळ्यासाठी परवानगी (Permission for the wedding ceremony) दिली असली तरी नागरिक शंभर लोकांना बोलवण्याच्या तयारीत नसल्याचे दिसून येत आहे. (Wedding-invitations-on-WhatsApp;-Invite-only-15-people)

नागपुरात कोरोनाच्या दुसऱ्या लाटेने प्रचंड जीवितहानी झाली. आतापर्यंत जिल्ह्यात ८ हजार ९५९ जणांचा कोरोनाने बळी घेतला आहे. मात्र, आता सक्रिय कोरोनाबाधितांची संख्या चांगलीच रोडावली आहे. मृत्यूही घटले आहेत. रुग्ण बरे होण्याचे प्रमाण ९७.३७ टक्क्यांवर आले आहे. यामुळे आरोग्य यंत्रणेवरील कामाचा ताण कमी झाला आहे.

कोरोनाचे रुग्ण कमी झाल्याने राज्य सरकारने महाराष्ट्रातील जिल्ह्यांची पाच लेव्हलमध्ये विभागणी करून नवीन नियमावली जाहीर केली आहे. विदर्भातील नागपूर, यवतमाळ, चंद्रपूर व गोंदिया या जिल्ह्यांचा लेव्हल एकमध्ये समावेश केला आहे. यानुसार पालकमंत्री नितीन राऊत यांनी रविवारी नवीन नियमावली जाहीर केली. यात त्यांनी लग्न समारंभाबाबत महत्त्वाचा निर्णय घेतला. कोरोनाचा प्रसार होऊ नये म्हणून शंभर वऱ्हाडी किंवा हॉलच्या क्षमतेच्या पन्नास टक्केच लोकांना लग्नाला उपस्थित राहण्याची परवानगी दिली.

यामुळे लग्न सोहळे असणाऱ्या घरांमध्ये आनंदाचे वातावरण असले तरी जुना अनुभव पाहता अनेकांनी कमी लोकांमध्येच लग्न करण्याचे नियोजन केले आहे. संभाव्य भीतीचा विचार करता रिस्क नको म्हणत पाहुण्यांना न बोलवण्याचा निर्णय घेतला आहे. काही लोकांशी याबाबत संपर्क साधून विचारणा केली असता त्यांनी मत व्यक्त केले.

(Wedding-invitations-on-WhatsApp;-Invite-only-15-people)