मी वाचलेलं पुस्तक - पॉलिटिक्स ऑफ हेट (संपादन - फराहनाज इस्पहानी)

ॲड. रवी डंभारे, विश्लेषक

World Book Day 2024 : पुस्तकाचा व्यासंग विचारात प्रगल्भता आणतोच. पण कधी-कधी वास्तवात काय घडले आणि त्याचा परिणाम मानवी जीवनावर कसा घडतो, याचा उत्तम दाखला ‘पॉलिटिक्स ऑफ हेट - रिलिजीअस मेजॉरिटेरिअनिस्म इन साउथ एशिया’ या पुस्तकातून दिला आहे. आशिया खंडातील धर्मांध शक्तींनी देशात भेदभाव आणि दुफळी कशी निर्माण केली याचे वास्तव यात मांडले आहे. हे पुस्तक वास्तववादी असून ते दिशादर्शक आहे.

पॉलिटिक्स ऑफ हेट या पुस्तकाचे संपादन फराहनाज इस्पहानी यांनी केले आहे. हा शोध निबंध २०२३ मध्ये प्रकाशित झाला. जगातील विविध क्षेत्रातील निष्णात लेखकांचे ११ लेख यात आहेत. मीडिया आणि राजकीय नेत्यांची स्वतःच्या फायद्यासाठी द्वेष पसरविणे तसेच द्वेष वाढविणे या विषयावर हे लेख आहेत. दक्षिण आशियामधील राष्ट्र जसे भारत, बांगलादेश, पाकिस्तान, श्रीलंका यांच्या वास्तव स्थितीचे वर्णन यात केले आहे.

या देशातील धार्मिक, वांशिक भेदभाव कशाप्रकारे वाढत असून यामुळे हे देश कशाप्रकारे अधोगतीला जात आहेत, याचे विश्लेषण यात केले आहे. धर्मांधता, वर्णभेद यामुळे देशाचा विकास खुंटला असून २१ व्या शतकात ही धर्मांधता, वर्णभेद कमी होण्याऐवजी वाढत असल्याची भीती व्यक्त केली आहे.

पुस्तकातून काय प्रेरणा मिळते?

देशासह जगात सध्या अनेक सामाजिक व राजकीय समस्या आपण बघत आहोत, अनुभवत आहोत. या समस्या समजून घेण्याची प्रेरणा हे पुस्तक देते.

माझं ऑल टाईम फेव्हरेट पुस्तक - प्राचीन भारतातील क्रांती तथा प्रतिक्रांती - (लेखक डॉ. बाबासाहेब आंबेडकर)

वाचलीच पाहिजे अशी पुस्तके

१) व्हॉट काँग्रेस अँड गांधी हॅव्ह डन टू द अनटचेबल्स - डॉ. बाबासाहेब आंबेडकर

२) ट्रान्स्फर ऑफ पॉवर इन इंडिया - व्ही. पी. मेनन

३) स्टेट्स ॲन्ड मायनॉरिटीज - डॉ. बाबासाहेब आंबेडकर

४) लॉर्ड बुद्धा ॲन्ड हीच धम्मा - डॉ. बाबासाहेब आंबेडकर

५) बुद्ध की कॉल मार्क्स - डॉ. बाबासाहेब आंबेडकर