मारेगाव (जि. यवतमाळ) : मारेगाव तालुक्यातील वेगाव नजीक आणि वणी तालुक्याच्या सीमेवर असलेल्या डोंगरगाव येथील शेतकऱ्याचा पाळीव बोकड चक्क दूध देतो आहे. पंचक्रोशीत या निसर्गाच्या किमयेची चर्चा आहे. 'बोकड दूध देतोय' हा कुतूहलाचा अन आश्चर्याचा विषय आहे. हा अजूबा बोकड आता बघणाऱ्यांची गर्दी खेचत आहे.
मारेगाव -वणी तालुक्याच्या मध्ये असलेल्या डोंगरगाव येथे हा निसर्गाचा चमत्कार झाला आहे. येथील अल्पभूधारक शेतकरी रामकृष्ण नागो मेश्राम शेतीसह शेळी पालनाचा पूरक व्यवसाय करतात. या शेळी कळपातील दोन वर्षांच्या बोकडाला उन्हाळ्याचे तापमानामुळे सायंकाळी आंघोळ करून देण्याचा नित्यक्रम आहे.चार दिवसापूर्वी या बोकडास आंघोळ घालीत असतांना बोकडाच्या इवलाश्या स्तनातून दूध निघत असल्याचे निदर्शनास आले. बोकड मालकाने दूध काढण्याचा प्रयत्न केला बोकडाने चक्क पहिल्याच दिवशी ग्लासभर दूध दिल्याची आश्चर्यकारक बाब समोर आली.
तेव्हापासून दररोज दुध काढण्याचा क्रम सुरू आहे. कमी जास्त प्रमाणात हा बोकड दुध देत असल्याने त्याला बघण्यासाठी अनेकजण गर्दी करीत आहेत. हा बोकड दूध देत असल्याने आम्हास जोर का झटका ....बसल्याचे बोकड मालक सांगतो आहे.
सविस्तर वाचा - अंडरवर्ल्ड डॉन अरुण गवळीला झाला लॉकडाउनचा फायदा..
बोकडाच्या शरीरातील हार्मोन्सच्या बदलामुळे हा बोकड दूध देत असल्याचा प्राथमिक अंदाज व्यक्त केला जात आहे. पाचशे लोकवस्ती असलेल्या डोंगरगाव येथील बोकडाचे दूध देणे कुतुहलाचा विषय ठरत आहे. गाय, शेळी ,म्हैस या मादीे दूध देतात मात्र डोंगरगावचा हा अजूबा बोकड दूध देऊ लागल्याने आश्चर्य व्यक्त होत आहे. पशुसंवर्धन अधिका-यांशी या विषयी संपर्क साधला असता तो होऊ शकला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.