Latest Crime News: स्वातंत्र्य दिनाच्या पर्वावर त्रस्त असलेल्या दोन गावातील महिलांनी पुकारला एल्गार . यात एका गावात तर महिलांनी पोलिसांना घेऊन थेट विनापरवाना दारू विक्रेत्याच्या घरात घुसून दारू पकडून दिली . तर दुसऱ्या गावात महिलांच्या सुविधा आणि गावातील घाणीचे साम्राज्य या विषयाला घेऊन ग्रामपंचायत ला धडक दिली.

वरील दोन्ही घटना तालुक्यातील बोडखा आणि पातूरडा येथे 15 आगष्ट रोजी झेंडा वंदन नंतर घडल्या. दोन्ही घटना प्रशासनाच्या कामचुकरपणाचा भाग म्हटला तरी हरकत नसावी.

प्राप्त माहिती नुसार बोडखा गावात 4 ठिकाणी विनापरवाना देशी दारू ची विक्री गेल्या कित्येक दिवसापासून सुरू आहे. यात मजुरी करणाऱ्या महिला त्रस्त झाल्या आहेत.

दारूचे व्यसन घरा घरात घुसल्याने महिलांना आर्थिक आणि मानसिक त्रास सहन करावा लागत आहे. दारू मुळे बरेच वेळा वाद विवाद ही होत आहेत. म्हणून महिलांनी पुढाकार घेऊन पोलिसांना माहिती देऊनही काहीच कार्यवाही करण्यात आली नाही. शेवटी महिलांनी 3 दिवसा पूर्वी निवेदन देऊन दारू बंद झाली नाही तर आंदोलन करण्याचा इशारा दिला होता.

त्यावर 15 आगष्ट रोजी या महिलांनी रौद्र रूप धारण करून 112 ला कॉल करून दारू विक्री ची माहिती दिली. आणि तामगाव पोलीस स्टेशन चे पोलीस गावात पोहचले सदर महिलांनी पोलिसांना सोबत घेऊन दारू विकणाऱ्या च्या घराची झडती घेतली.

झडती मध्ये दोन घरात विनापरवाना दारू दिसून आली तर दोन घरात सापडली नाही. महिलांनी पोलिसां समोर समस्या मांडताना संताप व्यक्त केला.

तर पातूरडा येथील कृपा सिंधु ग्राम संघ व गावातील नागरीक व महीला वर्ग यांनी गावातील समस्यां बाबत ग्रामपंचायत ला निवेदन दिले होते.

त्या मध्ये गावात कचरा साफ करणारी गाडी महिन्यातुन कीती दिवस फीरते यावर चर्चा करून माहीती देण्यात यावीः

गावातील नाली सफ‌ा‌ई बाबत वाई वाईज नियोजन करण्यात यावे.गावातील अतंर्गत रस्ते मागील तीन महीण्या पासुन नळाची पाईप लाईन टाकल्यामुळे खराब झालेले आहेत. आठवडी बाजारात घाणीचे साम्राज्य पसरलेले असून सुलभ शौचालयाची व्यवस्था ही नाही त्यामुळे महिलांची कुचंबना होत आहे . असे विषयाचे निवेदन घेऊन 15 आगष्ट ला दिडशे ते दोनशे महिलांनी ग्रामपंचायत ला धडक दिली . महिलांचा रोष पाहता सरपंच आणि ग्रामविकास अधिकारी यांनी काढता पाय घेतला. शेवटी ग्रामपंचायत च्या कर्मचाऱ्याला पाठवून निवेदन स्वीकारले.

याठिकाणचे ग्रामविकास अधिकारी 17 वर्षांपासून एकाच ठिकाणी कार्यरत असताना गावातील समस्या साठी महिलांना घराबाहेर निघावे लागले याला काय म्हणावे!