अकोला : मागील काही दिवसांपासून झपाट्याने आढळणाऱ्या पॉझिटिव्ह रुग्णांमध्ये आज बुधवारी काहीसा दिलासा मिळाला आहे. आज एकूण 31 अहवालापैकी केवळ दोनच रुग्णांचे पॉझिटिव्ह आले असून, त्या दोन्ही महिला आहेत. 29 अहवाल निगेटिव्ह आले आहे. आज घटलेल्या संख्येमुळे अकोलेकरांना काहीसा दिलासा जरी मिळाला असला तरी एका रुग्णाच्या मात्र मृत्यू झाला आहे.

शासकीय वैद्यकीय महाविद्यालय तथा सर्वोपचार रुग्णालयकडून मिळालेल्या माहितीनुसार आज एकूण 31 अहवाल प्राप्त झाले. त्यापैकी 29 अहवाल निगेटिव्ह आले आहेत. तर दोनच अहवाल पॉझिटिव्ह आले आहे. आज प्राप्त झालेल्या पॉझिटिव्ह पैकी दोन्ही रुग्ण ह्या महिला असून, त्यातील एक ताजनगर येथील तर अन्य एक राधाकिसन प्लॉट येथील रहिवासी आहेत.

हेही वाचा - आनंदाची बातमी : आता टाळेबंदीतही म्हणा 'शुभमंगल सावधान'

अशी आहे आतापर्यंतची स्थिती
पॉझिटिव्ह अहवाल 77
उपचार घेत असलेले रुग्ण 57
मृत्यू 7
आत्महत्या १
पूर्णपणे बरे झालेले 13

आवश्यक वाचा - स्वाभिमानीला दिलेला शब्द राष्ट्रवादी पाळणार का?

65 वर्षीय रुग्णाचा मृत्यू
एका ६५ वर्षीय पुरुष रुग्णाचा उपचार दरम्यान मृत्यू झाला आहे. हा रुग्ण २ मे रोजी दाखल झाला होता, ५ मे रोजी त्याचा अहवाल पॉझिटिव्ह आला होता. हा रुग्ण खंगनपुरा येथील रहिवासी होता.

काहीसा दिलासा धोका मात्र कायम
बुधवारी प्राप्त झालेल्या अहवालात दोनच महिलांचे पॉझिटिव्ह अहवाल जरी आले असले तरी हा दिलासा क्षणिक असून, येत्या काही दिवसात आढळलेल्या पॉझिटिव्ह रुग्णांच्या संपर्कात आलेल्यांची संख्या अधिक आहे. तेव्हा पॉझिटिव्ह रुग्णांची संख्या वाढण्याची शक्यता नाकारता येत नाही. तेव्हा हा काहीसा दिलासा जरी असला तरी धोका मात्र कायम आहे.