पोंभुर्णा (जि. चंद्रपूर ) :  चिंतलधाबा येथून दुचाकीने येत असलेल्या बाप- लेकांचा चिंतलधाबा मार्गावरील चेक आष्टाजवळ अपघात झाला. यात दुचाकीस्वार मुलगा ठार झाला, तर वडील गंभीर जखमी झाल्याची घटना घडली. मृताचे नाव प्रशांत कुळमेथे (वय 22) असे आहे. 

हेही वाचा - २५ वर्षीय युवकाने उभारला देशातील पहिला ‘स्काय वॉक’; पंतप्रधान कार्यालयाने केले पंकजचे...

सातारा कोमटी येथील प्रशांत कुळमेथे आणि दिवाकर कुळमेथे हे काही कामानिमित्त बाहेरगावी गेले होते. काम झाल्यानंतर ते दुचाकीने स्वगावी येत होते. पोंभुर्णा-चिंतलधाबा मार्गावर त्यांच्या वाहनासमोर सारस प्राणी आला. त्यामुळे प्रशांतचे वाहनासमोरील नियंत्रण सुटले. दोघेही वाहनावरून खाली कोसळले. प्रशांत आणि दिवाकर कुळमेथे हे दोघेही गंभीर जखमी झाले. दोघांनाही पोंभुर्णा येथील ग्रामीण रुग्णालयात उपचारासाठी दाखल करण्यात आले होते. प्रशांतची प्रकृती गंभीर असल्याने त्यांना चंद्रपूर येथे उपचारासाठी हलविण्यात आले. शनिवारी (ता. 19) प्रशांत कुळमेथे याचा मृत्यू झाला. प्रशांतच्या मृत्यूने साताराकोमटी गावात शोककळा पसरली आहे. 

हेही वाचा - 'लोकल टू ग्लोबल' संशोधनाची भरारी; अजय विश्वकर्मा यांचे 'मल्टिपर्पज...