तळेगाव (श्‍यामजीपंत)(जि.वर्धा) : लगतच्या खडकी शिवारात भारसवाडा ते खडकी रस्त्यावरील मुंजेबाबा मंदिराजवळ बाभूळ झाडावर अचानक वीज कोसळली. यात झाड तुटले आणि ते रस्यावरून जाणाऱ्या दुचाकीवर पडले. यात दुचाकीवर मागे बसून असलेला व्यक्‍ती गंभीर जखमी झाला. ही घटना बुधवारी (ता. 17) सकाळी 11 वाजताच्या सुमारास घडली. 

हेही वाचा - सावधान..! कोरोनाची दुसरी लाट पसरतेय? मेडिकल, मेयोसह...

हवामान खात्याने वर्ध्यात आज विजेच्या कडकडाटासह पावसाचा अंदाज वर्तविला होता. यानुसार सकाळी आष्टी तालुक्‍यात विजांचा कडकडाट झाला. याच काळात खडकी ते तळेगाव मार्गावरील मुंजेबाबा मंदिराजवळील बाभळीच्या झाडावर वीज कोसळली. वीज कोसळताच हे रस्त्यावर पडले. या झाडाखाली रस्त्याने जाणारी दुचाकी आली. यात चालक मुरलिधर मुंदाने (वय 42) रा. अंतोरा, तर सोबत असलेले पुरुषोत्तम बाळस्कर रा. ममदापूर हे दोघे जखमी झाले. यात मागे बसून असलेल्या पुरुषोत्तम बाळस्कर याचे दोन्ही पाय निकामी झाले. यावेळी खडकी येथील सुरेंद्र नागपुरे यांना घटनास्थळी पडून दिसताच गावाकडे धाव घेत नागरिकांना घेवून घटनास्थळ गाठले. त्यांना झाडाखालून काढले. त्यांना आर्वी येथील रुग्णालयात रवाना केले. मुरलीधर मुंदाने यांचे वेल्डींगचे दुकान आहे. त्यांच्यासोबत असलेले पुरुषोत्तम बाळस्कर हे त्यांच्याकडे मजुरीचे काम करीत होते.