अमरावती : जिल्ह्यातील समृद्धी कॅम्प येथील उत्तरप्रदेशच्या व्यक्तीने ऑनलाइन कपडे खरेदी केले. त्यानंतर कस्टमर केअरशी संपर्क साधला. परंतु बनावट कस्टमर केअरने पाठविलेल्या लिंकवर क्लिक करून गोपनीय माहिती शेअर करताच सदर व्यक्तीच्या खात्यामधून 1 लाख 4 हजार रुपयांची रोकड दुसऱ्या खात्यात वळती झाली.
मुखरामप्रसाद धर्मदेवप्रसाद (वय 33, रा. आरीपुर सरायान, उत्तरप्रदेश) असे फसवणूक झालेल्या व्यक्तीचे नाव आहे. ते सद्य:स्थितीत नांदगावखंडेश्वर तालुक्याच्या मंगरुळचव्हाळा येथील समृद्धी महामार्गाच्या कामात व्यक्त आहेत. त्यांनी फ्लिपकार्डद्वारे काही वस्तू व कपडे खरेदी केले. परंतु खरेदी केलेल्या वस्तू न आल्यामुळे त्यांनी कस्टमर केअरसोबत संपर्क साधला. बनावट कस्टमर केअरने त्यांना एनीडेज हे ऍप डाऊनलोड करायला सांगून क्रेडिट कार्डची पूर्ण डिटेल्स घेतली. त्याआधारे तोतयाने मुखरामप्रसाद यांच्या बॅंकखात्यामधून एक लाखांच्या वर रक्कम उडविली. मुखरामप्रसाद यांच्या तक्रारीवरून ग्रामीणच्या सायबर ठाण्यात अनोळखी मोबाईलधारकाविरुद्ध गुन्हा दाखल करण्यात आला.
तोतया बॅंक अधिकाऱ्यांने 30 हजार लुबाडले
एका अन्य घटनेत नांदगावखंडेश्वर तालुक्यातील पहुर येथील एका व्यक्तीची 29 हजार 997 रुपयांनी फसवणूक करण्यात आली. नितीन अजाबराव काळे (वय 46 रा. पहुर) असे फसवणूक झालेल्या व्यक्तीचे नाव आहे. एका अनोळखी व्यक्तीने काळे यांना फोन करून सेंट्रल बॅंकेतून बोलत असल्याची बतावणी केली. बऱ्याच दिवसांपासून एटीएमकार्ड न वापरल्याने ते बंद होण्याची भीती दाखवली. त्यानंतर तोतयाने एटीएमकार्डची डिटेल्स घेतली. काही मिनिटात काळे यांच्या बॅंकखात्यामधून जवळपास तीस हजारांची रोकड दुसऱ्या खात्यात वळती झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.