अचलपूर (जि. अमरावती) ः भारतात अनेक ठिकाणी विविध समाजाचे लोकं रूढी परंपरा कार्यक्रमांच्या माध्यमातून पार पाडतात. यात अनेक परंपरा अक्षरशः जीवघेण्या असतात. अशाच प्रकारची एक परंपरा अमरावतीच्या अचलपूर तालुक्यात आहे. या परंपरेबद्दल ऐकून तुम्हाला धक्का बसल्याशिवाय राहणार नाही. 

जाणून घ्या - 'त्या' चौघांचे मृतदेह बघून आई-वडिलांनी फोडला टाहो; हिवरा-हिवरी गावात पसरली शोककळा; सरपंचांनाही अनावर झाले अश्रू

मानकर समाजाच्या वतीने काटेमोडणीचा उत्सव दरवर्षी राबविल्या जातो. मानकर समाजाचे आराध्यदैवत असलेले भिवसन बाबा यांचा उत्सव दत्त जयंतीपासून पाच दिवस संपूर्ण जिल्ह्यात आयोजित करण्यात येतो. अंगावर काटेमोडणीच्या उत्सवाची परंपरा वडिलोपार्जित असल्याने मानकर समाजातील युवक आपल्या श्रद्धेपोटी या कार्यक्रमात सहभागी होतात. विशेष म्हणजे या काटेमोडणीच्या कार्यक्रमात सहभागी युवकांनी अंगावर काटे मोडतात.

अंगावर मोडतात बाभळीचे काटे 

या उत्सवात सहभागी गावातील मानकर समाजातील युवक बाभळीच्या काट्या जमा करतात. जो व्यक्ती अंगार काटे मोडतो त्याला अगोदर थंड पाण्याने आंघोळ घातली जाते, नंतर तो व्यक्ती भिवसन बाबाची पूजा करतो आणि ढोलताश्‍यांच्या आवाजावर काटे मोडायला सुरुवात करतो. पूर्ण अंगावर बाभळीचे काटे मोडतो, त्यानंतर त्याला भिवसन बाबाच्या मंदिरावर डोके ठेवून शांत केले जाते. 

जिल्ह्यात जवळपास 22 गावोत हा उत्सव साजरा करण्यात येतो. अंगावर काटेमोडणीच्या उत्सवाची परंपरा वडिलोपार्जित सुरू असल्याने गावागावांतील मानकर समाजातील युवक आपल्या श्रद्धेपोटी सहभागी होतात. यामध्ये सहभागी होणाऱ्या भक्तांना अंगावर काटे मोडल्यानंतरसुद्धा अंगातून रक्ताचा एक थेंब निघत नसल्याने आश्‍चर्य व्यक्त करण्यात येते. 

जाणून घ्या - शेतातील विहिरीत तरंगतांना दिसला बिबट्याचा मृतदेह; बाहेर काढताच उपस्थितांच्या अंगाचा उडाला थरकाप 

या काटेमोडणीच्या कार्यक्रमाला मानकर समाजातील युवक-युवती मोठ्या संख्येने उपस्थित राहतात. या कार्यक्रमासाठी गावागावांतील मानकर समाजातील युवकांनी परिश्रम घेतले असल्याची माहिती मानकर समाजाचे अध्यक्ष मनोहर निर्मळे, उपाध्यक्ष सुनील निर्मळे, सचिव देवानंद माने यांनी दिली.

(टीप: या बातमीच्या माध्यमातून 'सकाळ' कुठल्याही अंधश्रद्धेचं समर्थन करत नाही.)

संपादन - अथर्व महांकाळ