अमरावती : अमरावती ते अकोला महामार्गावर पॉइंट ड्यूटीवर तैनात पोलिस कर्मचाऱ्यास सिमेंट पोत्यांची वाहतूक करणाऱ्या ट्रकने चिरडले. यात पोलिस कर्मचाऱ्याचा जागीच मृत्यू झाला. गोपाल किसन इंगळे (वय ४२, ब. नं. १३९४) असे अपघातात मृत्युमुखी पडलेल्या पोलिसाचे नाव आहे. ही घटना गुरुवारी (ता. तीन) सायंकाळी साडेचार वाजताच्या सुमारास घडली.
पोलिसांनी दिलेल्या माहितीनुसार, काही दिवसांपासून महामार्गावर लोणी पोलिस ठाण्याच्या हद्दीत साई ढाब्याजवळ ग्रामीण पोलिसांचा चौकशीसाठी पॉइंट लागला होता. त्यामुळे रस्त्यावर बॅरिकेटिंग लावून वाहनांची तपासणी टप्प्याटप्याने केली जायची. इंगळे ग्रामीण पोलिस मुख्यालयातील आपल्या साथीदारासह ड्यूटी पॉइंटवर तैनात होते.
दरम्यान, जिजे १९ एक्स ३६७० क्रमांकाचा अमरावतीहून अकोलाकडे जाणाऱ्या ट्रकने इंगळे यांना चिरडले. शरीराचे दोन तुकडे होऊन त्यांचा जागीच मृत्यू झाला, असे पोलिस निरीक्षक अहेरकर यांनी सांगितले. अपघातात पोलिसाचा मृत्यू झाल्याचे कळताच चालकाने ट्रक अपघातस्थळी सोडून जंगलात पळ काढला.
लोणी पोलिसांनी धडक देणारा ट्रक जप्त केला. पसार चालकाविरुद्ध गुन्हा दाखल केला. वृत्त लिहीस्तोवर चालकास अटक झाली नसल्याचे लोणी पोलिसांनी सांगितले. अपघातानंतर पोलिस अधीक्षक डॉ. हरिबालाजी एन यांच्यासह वरिष्ठ अधिकाऱ्यांनी घटनास्थळी भेट दिली. इंगळे हे ग्रामीण पोलिस मुख्यालयात कार्यरत होते, असे एसपींनी स्पष्ट केले.
मृत पोलिसाचा मृतदेह अमरावती जिल्हा रुग्णालयात शवविच्छेदनसाठी पाठविण्यात आला. मात्र, आपल्या सहकारी पोलिस कर्मचाऱ्याचा अपघातात मृत्यू झाल्याने पोलिस वर्तुळात खळबळ माजली असून, सर्वत्र शोककळा पसरली आहे.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.