वरोरा (जि. चंद्रपूर) : डॉ. शीतल आमटे यांच्या शवविच्छेदनाचा प्राथमिक अहवाल समोर आला आहे. त्यामध्ये डॉ. शीतल यांचा श्वास रोखल्याने मृत्यू झाला असल्याचे स्पष्ट झाले आहे. त्यांनी गेल्या ३० नोव्हेंबरला आत्महत्या केली असून आज त्यांच्या मृत्यूला एक महिना पूर्ण झाला आहे.
हेही वाचा - ED कारवाईत सुसाट, मात्र गुन्हे सिद्ध करण्यात नापास; पाहा रिपोर्टकार्ड
महारोगी सेवा समितीची मुख्य कार्यकारी अधिकारी डॉ. शीतल आमटे करजगी यांनी गेल्या ३० नोव्हेंबरला आत्महत्या केली होती. त्यांच्या आत्महत्येचे वृत्त कळताच संपूर्ण आनंदवन आणि कार्यकर्त्यांवर शोककळा पसरली होती. त्यांनी खोलीत इंजेक्शन आणि विषारी औषध आढळून आले होते. त्यांनी आपल्या उजव्या हाताला इंजेक्शन टोचले होते. चंदपूर येथील जिल्हा सामान्य रुग्णालयात चार वैद्यकीय अधिकाऱ्यांच्या उपस्थितीत शवविच्छेदन झाले. त्याचा प्राथमिक अहवाल अलीकडेच मिळाला. मात्र, त्यावर पोलिस प्रशासनाने बोलणे टाळले होते. आता त्यांचा मूत्यू श्वास रोखल्याने झाल्याचे प्राथमिक अहवालातून समोर आले आहे. नागपूर येथील न्याय वैद्यकीय प्रयोगशाळेतील अंतिम शवविच्छेदनाचा अहवाल येणे अद्याप बाकी आहे.
न्यायवैद्यकीय अहवाल आणि इतर अहवाल अजून आले नाही. ते आल्यानंतर मृत्यूचे कारण समोर येईल.
-नीलेश पांडे, उपविभागीय पोलिस अधिकारी, वरोरा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.