गोंदिया : होळीचे दिवस येऊनही यंदा पाऊस अधूनमधून हजेरी लावतच आहे. पावसाचे सावट शहरासह जिल्ह्यातील आठही तालुक्यात होळी व रंगपंचमीच्या दिवशी वादळवाऱ्यासह पावसाने दमदार हजेरी लावली. या पावसाने सारे जनजीवन विस्कळीत झाले होते. होळी आणि रंगपंचमीचा उत्साह पावसाने हिरावून घेतला होता.
गेल्या आठवडाभरापासून जिल्ह्यात कुठे ना कुठे पावसाच्या तुरळक सरी कोसळत आहेत. हवामान खात्याने तसे संकेतही दिले आहेत. येत्या शुक्रवारपर्यंत (ता. ) वादळवारा आणि विजांच्या कडकडाटासह पाऊस पडेल, असे संकेत पुन्हा हवामान खात्याने दिले आहेत. उल्लेखनीय म्हणजे, देवरी, आमगाव, सालेकसा तालुका वगळता अन्य तालुक्यांत सोमवारी (ता. 9) होळी पेटविल्यानंतर पावसाने दमदार हजेरी लावली. मंगळवारी (ता.10 ) धुलीवंदनाच्या दिवशीदेखील सायंकाळी साडेसहानंतर पावसाने अक्षरशः थैमान घातले होते.
विजांचा कडकडाट अन् सोसाट्याचा वारा वाहवा अशी वाहणारी हवा, खंडित होणारा विद्युतपुरवठा यामुळे नागरिकांची चांगलीच पंचाईत झाली. बहुतांश ठिकाणी विद्युत खांब तूटून पडल्याची तर, काही ठिकाणी झाडे कोसळल्याची माहिती आहे. अवकाळी पावसाने मात्र, रब्बी हंगाम धोक्यात आला असून, शेतकऱ्यांच्या तोंडाजवळ आलेला घास हिरावला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.