अमरावती : विदर्भात नागपूर व अकोला कोरोना रुग्णांमध्ये आघाडीवर आहे. येथे मोठ्या प्रमाणात रुगण आढळून येत आहेत. यामुळे प्रशासनाची चिंता चांगलीच वाढली आहे. असे असताना विदर्भातील अमरावती जिल्हा या दोन जिल्ह्यांचा पाठलाग करीत असल्याचे दिसून येते. अमरावतीत रुग्ण वाढत असल्याने बाधितांचा आकडा 333 वर पोहोचला आहे. रविवारी जिल्ह्यात नऊ रुग्ण पॉझिटिव्ह आढळून आले.
विदर्भातील नागपूर व अमरावती जिल्ह्यात दररोज मोठ्या प्रमाणात रुग्ण वाढत आहे. नागपुरात तर हजाराचा आकडा पार करण्यासाठी फक्‍त चाळीस रुग्णांची गरज आहे. अशीच स्थिती अकोला जिल्ह्याचीही आहे. अकोल्यात सर्वाधिक मृत्यू झाले आहेत. त्या तुलनेत नागपुरात मात्र मृत बाधितांचा आकडा कमी आहे. असे असले तरी चिंता काही कमी नाही.
अमरावतीतही दररोज सात ते आठ रुग्ण वाढत असल्याने प्रशासनाची डोकेदुखी काही संपलेली नाही. अनेक उपाययोजन सुरू असतानाही रुग्ण वाढत असल्याने ताण कायमच आहे. रविवारचा दिवस उजाळत नाही तोच नऊ रुग्णांचे अहवाल पॉझिटिव्ह आल्याने आणखी चिंता वाढली आहे.
बाधितांमध्ये बडनेरा येथील जुनीवस्ती भागातील सहा, चांदुरबाजार तालुक्‍यातील दोन व रुख्मिणीनगरातील एका जणाचा समावेश आहे. यामध्ये दोन महिला व सात पुरुषांचा समावेश आहे. त्यामुळे अमरावतीत अद्याप आढळलेले एकूण रुग्ण 333 झाले आहेत. दुसरीकडे मृतांचा आकडाही वाढलेला आहे. मृतांच्या बाबतीत अमरावती नागपूरच्या पुढे आहे. यामुळे यात कोण आघाडीवर राहतो आता हेच पाहणे बाकी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.