चंद्रपूर ः शहरातील एकमेव ऐतिहासिक गोंडकालीन आणि आज मात्र प्रदूषित झालेल्या रामाळा तलावाचे खोलीकरण आणि सौंदर्यीकरणाच्या मागणीसाठी इको-प्रोच्या सदस्यांनी रामाळा तलावाच्या काठावर एकत्रित येत शनिवारी (ता. १९) मूक निदर्शने केली.
इको-प्रो संस्थेचे अध्यक्ष बंडू धोतरे, इको-प्रो पर्यावरण विभागाचे प्रमुख नितीन रामटेके यांच्या नेतृत्वात रामाळा तलावाच्या काठावर सदस्यांच्या वतीने मूक निदर्शने करण्यात आलीत. आंदोलनात सहभागी झालेल्या सदस्यांनी हातात विविध मागण्यांचे बॅनर घेत नागरिकांचे लक्ष वेधून घेतले होते. जवळपास दोन तास मूक निदर्शने करण्यात आली.
या मागण्यांमध्ये प्रामुख्याने मुख्य फलकातून वसुंधरा अभियाना अंतर्गत रामाळा तलावाचे संवर्धन करा, रामाळा तलाव प्रदूषणमुक्त करा, रामाळा तलावाचे खोलीकरण करा, तलावाच्या सभोवताल, किल्ल्याच्या भिंतीतील वृक्ष वेली काढून सुरक्षित करा, वेकोलिचे वाया जाणारे पाणी तलावात सोडा, तलावात येणारे सांडपाणी थांबवा, रामाळा तलावाला येऊन मिळणारा मच्छिनाला दुसरीकडे वळता करा, जलनगरच्या बाजूने सुरक्षा भिंतीचे बांधकाम करा, रामाळा तलावाच्या उत्तरेकडे सांडपाणी शुद्धीकरण संयंत्र उभारा, किल्ल्याच्या भिंतीचे बांधकाम करा इत्यादी फलक हातात घेऊन निदर्शने करण्यात आली.
आंदोलनात रमेश बोथरा, ॲड रवींद्र वर्मा, मजहर अली, राखी बोराडे, अरुण गोवारदिपे, दत्ता सरोदे, अनिल अडगुरवार, सूरज गुंडावार, जितेंद्र वाळके, सुधीर देव, सुनील लिपटे, धर्मेद्र लुनावात, सौरभ शेटे, राजू काहीलकर, अमोल उट्टलवार, किनारा खोब्रागडे, सचिन धोतरे, राजेश व्यास, संजय सब्बनवार, सुनील पाटील, अमित आवारी, अभय अमृतकर, प्रमोद मलीक, गौरव वाघाडे, आकाश घोडमारे यांचा समावेश होता.
संपादन ः राजेंद्र मारोटकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.