बल्लारपूर (जि. चंद्रपूर) : राग अनावर झालेल्या बापाने हातोडीने डोक्‍यावर प्रहार करून पोटच्या मुलाचाच खून केल्याची घटना शनिवारी (ता. 7) सकाळी 10 वाजताच्या दरम्यान विद्यानगर वॉर्डत घडली. राहुल सोपान नगराळे (वय 42), असे खून झालेल्या मुलाचे तर सोपान नगराळे (वय 72) असे हल्लेखोर पित्याचे नाव आहे.
आरोपीने घटनेनंतर शस्त्रासह स्वत: पोलिस ठाणे गाठून आत्मसमर्पण केले. राहुलला दारूचे मोठे व्यसन होते. मद्युधंद अवस्थेत तो कुटुंबीयांशी नेहमीच वाद घालायचा. मात्र शनिवारी वडिलांचा संयम सुटला आणि ही घटना घडली.
दारूच्या आहारी गेलेल्या मुलाच्या त्रासामुळे मानसिकरीत्या खचलेल्या बापाने आपल्या पोटच्या मुलाला ठार केल्याच्या घटनेने शहरात खळबळ उडाली आहे. बल्लारपूर पेपरमिलमध्ये "फिटर' पदावर कार्यरत राहुलला दारूचे व्यसन होते. तो मागील काही महिन्यांपासून पूर्णत: दारूच्या आहारी गेला होता. कामावर येत नव्हता. त्यामुळे पेपर मिल व्यवस्थापनाने त्याला बडतर्फ केले होते. तो दारू पिल्यानंतर कुटुंबीयांशी वाद करायचा. त्याच्या या व्यसनामुळे घरातील सदस्य मानसिकदृष्टया त्रस्त होते.
नेहमीप्रमाणे शुक्रवारलाही सकाळी राहुल मद्यधुंद अवस्थेत होता. त्याने पित्याशी शाब्दिक वाद घातला. यावेळी मात्र वडिलांचा संयम सुटला. सोपानने रागाच्या भरात हातोडीने राहुलच्या डोक्‍यावर जोरदार प्रहार केला. त्याचक्षणी राहुल रक्तबंबाळ अवस्थेत कोळसला आणि गतप्राण झाला. राहुलची पत्नी एका खासगी शाळेत शिकवते.
घटनेच्यावेळी पत्नी घरी नव्हती; तर आई घरगुती कामात व्यस्त होती. घटनेनंतर वडील सोपान नगराळे यांनी स्वत: पोलिस ठाणे गाठले आणि गुन्ह्याची कबुली दिली. त्यांना अटक करण्यात आली आहे. पोलिसांनी खुनाचा गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.