नागपूर : राष्ट्रसंत तुकडोजी महाराज नागपूर विद्यापीठाद्वारे घेण्यात आलेल्या ऑनलाइन परीक्षांमध्ये विद्यार्थ्यांनी केलेल्या गैरप्रकारावर आळा घालण्यासाठी तयार करण्यात आलेल्या अ‌ॅपमध्ये सुविधा उपलब्ध करण्यात आल्याचे सांगण्यात आले. मात्र, प्रत्यक्षात विद्यापीठाचा हा दावा फोल ठरला असून ऑनलाइन परीक्षेत, मोठ्या प्रमाणात गैरप्रकार झाल्याचे दिसून येते. त्यामुळेच निकालातही वाढ झाल्याचे दिसून येत आहे. 

हेही वाचा - डॉ. शीतल आमटे मृत्यूप्रकरण : डावखुऱ्या नसतानाही उजव्या हाताला इंजेक्‍शन कसे टोचले?

विद्यापीठाने ऑनलाइन परीक्षा घेण्यासाठी 'आरटीएमएनयु परीक्षा' नावाचे अ‌ॅप तयार केले. या अ‌ॅपमध्ये विद्यार्थी जेव्हा हालचाल करेल, तेव्हा त्याची फोटो आणि त्याने स्क्रीन बदलल्यास त्याचे मोजमाप करण्यात येऊन अशा विद्यार्थ्यांवर कारवाई करण्यात येईल, असे कुलगुरू डॉ. सुभाष चौधरी यांनी सांगितले होते. विशेष म्हणजे, हे प्रकरण अनुशासन समितीकडे पाठविण्यात येईल, असेही स्‍पष्ट करण्यात आले होते. त्यानुसार विद्यापीठाने ८ ते ३१ ऑक्टोबरदरम्यान परीक्षा घेण्यात आली. मात्र, प्रत्यक्षात परीक्षेदरम्यान विद्यार्थ्यांनी धडाक्यात कॉपी करीत १०० पैकी १०० गुण मिळविल्याचे दिसून आले. त्यामुळे विद्यापीठाच्या परीक्षेचे तीन तेरा वाजले. त्यामुळे कॉपी करण्याची माहिती आणि संबंधित फोटो विद्यापीठाकडे उपलब्ध नसल्याचे दिसून येते. याबाबत तज्ज्ञांना विचारणा केली असता, ७० हजारावर विद्यार्थ्यांचे फोटो आणि माहितीचा डेटा ठेवता येणे अशक्य आहे. त्यामुळे परीक्षेत बरेच अडथळे येण्याची शक्यता असते. त्यात कॉपी करण्यापासून थांबविण्यासाठी यंत्रणाच नसल्याचे स्पष्ट करण्यात आले. 

हेही वाचा - गडचिरोलीतील शेतकऱ्यांशी कृषिमंत्री दादाजी भुसे साधणार संवाद

राज्यातील विद्यापीठातही यंत्रणाच नाही -
ऑनलाइन परीक्षेदरम्यान गैरप्रकार रोखण्यासाठी विद्यापीठांद्वारे तयार करण्यात आलेल्या अ‌ॅपमध्ये कुठलीच यंत्रणा नसल्याचे समोर आले आहे. विशेष म्हणजे, केवळ नागपूर विद्यापीठच नव्हे तर राज्यातील कोणत्याच विद्यापीठाद्वारे ते वापरण्यात आले नसल्याचे समजते. त्यामळे ऑनलाइन परीक्षेत विद्यार्थ्यांचे चांगलेच फावले असून निकालात ते दिसून आले.

हेही वाचा - कायदा कसा असावा हे पत्रात नमूद नव्हतेच, वाचा शरद पवारांच्या पत्राबद्दल काय म्हणाले...

व्हिडिओ व्हायरल -
परीक्षेदरम्यान धडाक्यात कॉपी करीत असल्याचा व्हिडिओ मोठ्या प्रमाणात व्हायरल होत असून त्या समोर पुस्तके घेऊन पेपर सोडविण्यात येत असल्याचे दाखविण्यात आले आहे.