दर्यापूर (जि. अमरावती) : तालुक्यातील येवदा पोलिस स्टेशनअंतर्गत येणाऱ्या गावातील अल्पवयीन मुलीवर अत्याचार झाल्याने व यातून ती सात महिन्यांची गरोदर राहिल्याने पीडित युवतीने राहत्या घरी गळफास लावून आत्महत्या केली. ती सात महिन्यांची गर्भवती असल्याचे पुढे आले आहे.
गुरुवारी (ता. ९) येवदा पोलिसात तिच्या पालकांनी दिलेल्या तक्रारीवरून गुन्हा दाखल झाला आहे. या प्रकरणात कोण दोषी आहे याबाबत येवदा पोलिस तपास करीत आहेत. गेल्या नऊ महिन्यांपासून तिच्यावर अत्याचार सुरू असल्याची माहिती पुढे आली आहे. येवदा पोलिस स्टेशन हद्दीतील एका गावात सदर मुलगी आई-वडिलांसोबत राहत होती.
आई-वडिलांनी यासंबंधात संशयित मुलाकडे चौकशी केली. मात्र, त्याने असे काहीही झाले नसल्याचे म्हणत हातवर केले. या प्रकाराने धक्का बसून मुलीने २९ ऑगस्टला रात्री गळफास लावून आत्महत्या केली. मात्र, याबाबतची तक्रार काल पोलिसांत दाखल झाली आहे.
या प्रकरणातील संशयित आरोपी असलेल्या युवकास ताब्यात घेण्यात आले आहे. अचलपूर न्यायालयात हजर करण्यात आले आहे. न्यायालयाने दिलेल्या आदेशानुसार पुढील चौकशी करण्यात येणार आहे.- अमोल बछाव, ठाणेदार, येवदा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.