चिमूर (जि. चंद्रपूर) : हा माझा खासगी दौरा असल्याने आम्हाला मोकळीक द्या. ताडोबा अंधारी व्याघ्र प्रकल्प खूप चांगली पर्यटनाची जागा असल्याने आम्ही पुन्हा पुन्हा भेट द्यायला येतो. असे सचिन तेंडुलकर मुक्काम असलेल्या रिसोर्ट मधून ताडोबा व्याघ्र प्रकल्पातील सिरकाळा बफर क्षेत्रात सफारी करिता रविवारी ४. १५ मिनिटाने घाईने निघाला असताना प्रतिनिधीने विचारलेल्या प्रश्नांना उत्तर दिले.

क्रिकेटर सचिन तेंडुलकर याने ताडोबाच्या मध्ये २६ जानेवारी २०२० ला पत्नी मुलगा यांच्यासह जंगल सफारी केली. २६ जानेवारी २०२१ च्या दरम्यान आई आणी मित्रा सोबत सफारी करून ताडोबातील जैव विविधतेचे तथा जवळपास १२ वाघांचे दर्शन घेतले.यावेळेस पुन्हा शनीवारी पत्नी अंजली,बहीण आणी मित्रा सोबत पुन्हा शनीवारी ताडोबातील वाघांच्या दर्शना करिता आला. पावसाळ्याचे दिवस असल्याने कोअर क्षेत्रात जंगल सफारी बंद आहे.ज्यामुळे ताडोबाच्या मदनापूर बफर क्षेत्रात ४ .३० पासून तर ७ .३० पर्यंत जंगल सफारी केली मात्र वाघ काही दिसलाच नाही. यावेळेस त्यांचे सोबत वन विभागाचे वरिष्ठ अधिकारी लिमये आणी गुरुप्रसाद सुद्धा होते.

सायंकाळच्या जंगल सफारी मध्ये वाघ मिळाला नाही त्यामुळे रविवारला सकाळी ७.०० वाजता ताडोबाच्या अलिझंझा बफर क्षेत्रात ११.३० वाजे पर्यंत जंगल सफारी केली याही दरम्यान वाघाचे दर्शन झाले नाही.सिरकाळा बफर क्षेत्रात वाघ असल्याने माहिती वरून सायंकाळी ४ .१५ ला रिसोर्ट वरून सफारी करिता पत्नी, बहीण ,माजी क्रिकेटर प्रशांत वैद्य आणी मित्रा सोबत सिरकाळा बफर झोन मध्ये सफारी करिता जायला निघाल्या नंतर प्रतिनिधींनी सचिन तेंडुलतर सोबत संवाद साधण्याचा प्रयत्न केला होता. त्यावरून आमचा खाजगी दौरा असल्याने आम्हाला मोकळे सोडा असे म्हणून ताडोबा ही खूप चांगली जागा असल्याने पुन्हा पुन्हा येतो असे म्हणत सफारी करिता निघून गेला.