आर्णी (यवतमाळ) : कारागृहातील कैद्यांना पुसद येथे पोहचवून यवतमाळकडे परत येणार्या पोलिस व्हॅनला भरधाव वेगातील आयशरने दिलेल्या धडकेत वाहन पलटी झाले. या अपघातात तीन पोलिस कर्मचारी गंभीर जखमी झाल्याची घटना मंगळवारी (ता.सात) रात्री एक वाजता दरम्यान नागपूर-तुळजापूर महामार्गावरील तरोडा मंगरूळ येथील चौपदरीकरण रस्त्यावर घडली.
चालक सुनील केतगीर, मुस्ताक पठाण, हरिश भावेकर, अशी जखमी पोलिस कर्मचार्यांची नावे आहेत. यवतमाळ जिल्हा कारागृहातील कैद्यांना कोरोनाच्या पार्श्वभूमीवर जामिनावर सोडण्यात येत आहे. त्यांना पुसद येथे पोहचवून पोलिस व्हॅन यवतमाळकडे परत येत होती. दरम्यान नागपूर वरून सोलापूरकडे पोहे घेऊन जात असलेल्या आयशर वाहनाने तरोडा-मंगरूळ चौपदरीकरण रस्त्यावर समोरासमोर धडक दिली.
यात पोलिस व्हॅन रस्त्याच्या कडेला पलटी झाल्याने अपघातात तीन कर्मचारी गंभीर जखमी झाले. त्यांना तत्काळ उपचारासाठी यवतमाळ येथील वैद्यकीय महाविद्यालयात दाखल करण्यात आले.
राजेंद्र जाधव यांनी दिलेल्या तक्रारीवरून चालकाविरुद्ध गुन्हा नोंदविण्यात आला आहे. यवतमाळ ग्रामीण पोलिस ठाण्याचे सहायक पोलिस निरीक्षक संजय शिंदे, जयंत ब्राह्मणकर यांनी घटनास्थळाचा पंचनामा केला. अपघातात दोन्ही वाहनांचे नुकसान झाले असून, पोलिस व्हॅनच्या केबिनचा चुराडा झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.