पथ्रोट ( जि. अमरावती ) : जिल्ह्यातील पथ्रोटजवळच्या पायविहिरीच्या जंगलात वाघिणीच्या पाऊलखुणा आढळून आल्या आहेत. त्यामुळे या भागात वाघिणीची एंट्री झाल्याची खात्री पटली आहे. त्यामुळे पुन्हा एकदा या भागात भीतीचे वातावरण निर्माण झाले आहे. 

हेही वाचा - वाघाचा मागोवा घेण्यासाठी वनविभागाचे पथक जंगलात घालत होते गस्त; समोरचे दृष्य पाहताच...

गेल्या वर्षी सुद्धा याच महिन्यात वाघाची एन्ट्री झाल्याचे पुरावे मिळाल्याने त्याला पिटाळून लावण्यासाठी वन विभागाची प्रचंड दमछाक झाली होती. त्यावेळी जातांगपूरच्या शेत शिवारात तसे पुरावे मिळाले होते. ते पुढे वलनीच्या जंगलापर्यंत दिसून आले होते. त्यावेळी शेतकरी व शेतमजुरांमध्ये प्रचंड दहशत निर्माण झाली होती. त्यासाठी तब्बल एक महिन्यापर्यंत वनविभागाच्या चमूने इथे मुक्काम ठोकून यंत्रणा राबविली होती. तेव्हा शेतात मिळालेल्या पाऊलखुणांच्या आधारे सदरचा वाघ हा नर जातीचा असल्याचे समोर आले होते. यंदा पुन्हा पायविहिरच्या जंगलात वनहक्क दक्षता समितीच्या सदस्यांना पेट्रोलिंग करताना या पाऊलखुणा आढळून आल्या. त्या वाघिणीच्या असल्याचे समोर आले आहे.

हेही वाचा -  कांद्याने केले गृहिणींचे वांदे; बाराशे रुपयांची वाढ झाल्याने डोळ्यांत आणणार पाणी

वाघिणीच्या पाऊलखुणा -

सदरच्या पाऊलखुणा या वाघिणीच्या आहेत, असे निसर्गप्रेमी अभ्यासक तथा स्टॅण्डिंग फॉर टायगर फाउंडेशनचे अल्केश ठाकरे यांनी सांगितले.