हिवरखेड (जि. अकोला) :  अकोला जिल्ह्यातील रस्त्यांची अवस्था आधीच भंगार झालेली असल्यामुळे या रस्त्यांवरून वर्षानुवर्षांपासून बहुतांश बसेस सुद्धा अत्यंत भंगार अवस्थेत पोहोचल्या असून जवळपास सर्वच बसची अत्यंत दुरवस्था झालेली आहे. यामुळे प्रवाश्यांना आपला जीव मुठीत धरुन प्रवास करावा लागत आहे.

हे वाचा - रात्री प्रेयसीच्या घरात घुसला अन् जीवाने गेला
टायर झाले धोकादायक
अनेक वर्षांपासून नवीन बसेसचे आवश्यकता असताना शासनाकडून नवीन बसेस आवश्यक प्रमाणात उपलब्ध करून न दिल्यामुळे कालमर्यादा संपलेल्या भंगार बसेसमधून नागरिकांना आपला जीव मुठीत धरून नाईलाजास्तव प्रवास करावा लागत आहे. ह्या भंगार गाड्या रस्त्यांवर कित्येकदा बंद पडत असून प्रवाशांना नाहक हेलपाटे सुद्धा सहन करावे लागतात. काही बसचे टायर रिमोल्डिंग पट्टे निघालेले असताना सुद्धा प्रवाशांच्या जिवाची पर्वा न करता त्या तसेच रस्त्यांवर चालवून भीषण अपघातांना निमंत्रण दिले जात आहे.

क्लिक करा - महावितरणने बेरोजगारांना दिला ‘रोजगाराचा अभ्यास’
नवीन एसटीची होत आहे मागणी
तेल्हारा आणि अकोट ह्या घरात भंगार बसेसची संख्या सर्वात जास्त असल्याचे कळते. तेल्हारा येथील आगारात मागील आठ वर्षांपासून बॉडी फिटर आणि वेल्डर नाहीत मुख्य मेकॅनिक आणि तज्ज्ञ यांत्रिक सुद्धा कमी आहेत. आवश्यक असलेल्या प्रमाणात साहित्य सुद्धा मिळत नसल्याची माहिती मिळत आहे. बस भंगार होण्याचे मुख्य कारण भंगार रस्त्याचा आहेत असेही अधिकाऱ्यांनी सांगितले. शासनाने त्वरित निर्णय घेऊन भंगार एसटी बसेसच्या जागी नवीन एसटी बसेस उपलब्ध करून द्याव्यात अशी एकमुखी मागणी नागरिकांमधून समोर येत आहे.

अधिकाऱ्यांचा आहे नाईलाज
मागणीच्या प्रमाणात नवीन बस मिळत नसल्याने आणि योग्य प्रमाणात साहित्य मिळत नसल्याने आमचा नाईलाज आहे.
-नितीन महल्ले, सहाय्यक कार्यशाळा अधीक्षक, तेल्हारा आगार

जीव मुठीत घेऊन प्रवास करावा लागतो
दैनंदिन प्रवासी असून अनेक वर्षांपासून भंगार बसमुळे जीव मुठीत धरून प्रवास करावा लागतो आहे.
-महेंद्र राऊत, प्रवासी, हिवरखेड