वणी (जि. यवतमाळ) : टरबुज हे खास उन्हाळी फळ. उन्हाच्या काहिलीत ग्राहकांची टरबुजाला विशेष मागणी असते. यंदा मात्र कोरोनामुळे टरबुज विक्रीवर परिणाम झाला आहे. त्यामुळे शेतकरी चिंतेत आहे.
 नांदेड वरून चंद्रपूरला टरबूज नेत असलेल्या ट्रकला पुनवट येथे अपघात झाल्याने तो ट्रक उलटला आणि घुघुस मार्गावर टरबूजां चा सडा पडला होता यामुळे शेतकऱ्यांचे 80 हजार रुपयांचे नुकसान झाले आहे
 नांदेड येथील काही शेतकऱ्यांनी आपल्या शेतातील टरबूज एकत्रित करून चंद्रपूर येथे विकण्याकरीता एम एच 26 ए डी 1892 या क्रमांकाच्या ट्रकमधून पाठविले  होते. दि 20 मे ला सकाळी 10 वाजताच्या सुमारास ट्रकचा टायर फुटल्याने पुनवट गावाजवळ ट्रक पलटी  होऊन अपघात झाला यात कोणतीही जीवित हानी झाली नाही मात्र ट्रकमधील टरबूजांचा सडा रस्त्यावर पडला होता

सविस्तर वाचा - सुन्न करणारी बातमी, उपासमार असह्य झाल्याने दिव्यांग व्यक्तीची मंदिरात आत्महत्या

यामध्ये आधीच आर्थिक अडचणीत असलेल्या शेतकऱ्यांचे 80 हजाराचे नुकसान झाले. अपघाताची माहिती मिळताच शिरपूर पोलिस घटनास्थळी दाखल झाले होते