coronavirus
coronavirus 
विदर्भ

आज आणखी 2 कोरोना पॉझिटिव्ह?प्रशासन चिंतेत

सकाळ वृत्तसेवा

गडचिरोली  : लॉकडाऊनच्या चौथ्या टप्प्याने गडचिरोली जिल्हा प्रशासनाच्या चिंतेत भर टाकली आहे. जिल्ह्यात आणखी 2 रुग्ण कोरोना पॉझिटिव्ह आढळून आले असून, आता पॉझिटिव्ह रुग्णांची एकूण संख्या 8 झाली आहे. तीन दिवसापूर्वी कुरखेडा तालुक्‍यातील 4 व चामोर्शी तालुक्‍यातील 1 असे 5 रुग्ण कोरोना पॉझिटिव्ह आढळून आले. त्यानंतर कुरखेडा, चामोर्शी व मुलचेरा तालुक्‍यातील 10 ठिकाणे कंटेनमेंट झोन म्हणून घोषित करण्यात आली. त्यानंतर मंगळवारी (ता.19) संध्याकाळी 7 वाजता एका रुग्णाचा कोरोना अहवाल पॉझिटिव्ह आला. हा रुग्ण आरमोरी तालुक्‍यातील शंकरनगर येथील केंद्रात संस्थात्मक विलगीकरणात होता. त्यामुळे कालपर्यंत पॉझिटिव्ह रुग्णांची संख्या 6 होती.
बुधवारी दुपारी 12 वाजता आरोग्य विभागाला प्राप्त झालेल्या अहवालानुसार आणखी दोन रुग्ण कोरोना पॉझिटिव्ह आढळून आले आहेत. यातील एक रुग्ण मूळचा खेडेगाव येथील रहिवासी असून, तो कुरखेडा येथील संस्थात्मक विलगीकरण केंद्रात होता. कुरखेडा येथे आढळलेल्या पहिल्या रुग्णासोबत तो संस्थात्मक विलगीकरणात होता. दुसरा रुग्ण चामोर्शी तालुक्‍यातील केंद्रात संस्थात्मक विलगीकरणात होता. यामुळे गडचिरोली जिल्ह्यातील कोरोना पॉझिटिव्ह रुग्णांची एकूण संख्या 8 वर पोहोचली आहे. नवे रुग्ण यापूर्वी कोरोना पॉझिटिव्ह आढळलेल्या 5 रुग्णांसोबत प्रवासाला गेलेल्यांच्या संपर्कातील होते, असे आरोग्य विभागाने सांगितले आहे.

शंकरनगर, कुरखेडा व चामोर्शी येथील तिन्ही रुग्णांना जिल्हा सामान्य रुग्णालयातील आयसोलेशन वॉर्डात भरती केले जाणार आहे. काल गोंदिया जिल्ह्यात आढळलेले दोन रुग्णसुद्धा गडचिरोली जिल्ह्यातील रुग्णांसमवेतच मुंबईहून ट्रकने आले होते. त्यामुळे ट्रकचालकाच्या संपर्कात आलेल्या प्रवाशांचा
आरोग्य विभागाकडून शोध सुरू आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pune Crime News : पुण्यात सशस्त्र दरोडा! सात जणांनी लुटलं सोन्याचं दुकान; 'एवढा' मुद्देमाल लंपास

Thoda Tuza Thoda Maza : शिवानीसोबत 'या' अभिनेत्याचाही स्टार प्रवाहवर कमबॅक

DK Shivkumar: डीके शिवकुमार, 100 कोटी अन् भाजप नेता; प्रज्वल रेवन्ना व्हिडिओ प्रकरणातील नवी घडामोड आली समोर

Latest Marathi News Live Update : NEET परीक्षेला बसणाऱ्या उमेदवारांना प्रॉक्सी उमेदवार पुरवणाऱ्या टोळीचा पर्दाफाश

Hair Care Tips : केसांसाठी फायदेशीर आहे हेअर स्पा, घरीच कसा करायचा ते जाणून घ्या!

SCROLL FOR NEXT