बुलडाणा : फाजील आत्मविश्वासाने नको ते धाडस केले की स्वतःचा जीव जाऊ शकतो. ‘याची देही याची डोळा' प्रत्यय गावातील पांगरी केसापूर रस्त्यावर दोन युवकांना आला. या घटनेत दुचाकी वाहून गेली असली तरी प्रसंगावधानाने व गावकऱ्यांच्या सूचनेचे पालन केल्याने त्यांचा जीव वाचला एवढे निश्चित...
प्राप्त माहितीनुसार, गेल्या दोन दिवसांपासून जिल्ह्यात सर्वत्र जोरदार पाऊस सुरू आहे. संततधार पावसामुळे केसापूर येथील धरण भरल्यामुळे नदीला मोठा पूर आलेला आहे. यामुळे पांगरी केसापूर रस्त्यावरील पुलावरून पाणी वाहू लागले आहे. पाणी वाहत असताना देखील दुचाकीस्वार युवकांनी मोटारसायकल घालण्याचा प्रयत्न केला. गावकऱ्यांनी त्यांना अडवण्याचा प्रयत्न केला. परंतु, त्यांनी न ऐकता फाजील आत्मविश्वास दाखवत गाडी पाण्यात टाकली.
क्लिक करा - ते मुहूर्त काढत जातील; पण सरकार इंचभरही हलणार नाही, कोणी व्यक्त केला हा विश्वास...
मात्र, अर्ध्यावर गेल्यानंतर मोटारसायकल पाण्याच्या वेगाने वाहून जाऊ लागली. अशा वेळी आजूबाजूला थांबलेल्या लोकांनी त्यांना ‘गाडी सोडून द्या, जीव वाचवा' असा सल्ला दिला. तो त्यांनी ऐकल्यामुळे गाडी वाहून गेली. मात्र, दोघांचे प्राण वाचल्याचे समाधान गावकऱ्यांनी व्यक्त केले.
या संदर्भात रायपूर पोलिसांशी संपर्क साधला असता सदर वाहन हे रायपूर येथील असून, वाहन मालकाचा शोध अद्याप लागला नसल्याचे त्यांनी ‘सकाळ'शी बोलताना सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.