आर्णी (जि. यवतमाळ) : भरधाव ट्रकच्या धडकेत दुचाकीस्वार दोघे जण जागीच ठार झाले. ही घटना शुक्रवारी (ता. १५) रात्री नऊ वाजताच्या सुमारास नागपूर-तुळजापूर महामार्गावरील स्वास्तिक जिनिंग जवळ घडली.

प्राप्त माहितीनुसार, माहूर जि. नांदेड येथील मित्र मंडळी दुचाकीने यवतमाळ येथे देवी पाहण्यात गेले होते. यवतमाळवरून परत माहूर जि. नांदेड येथे दुचाकीने दहा ते पंधरा मित्र जात होते. नागपूर-तुळजापूर महामार्गावरील आर्णी जवळीक स्वास्तिक जिनिंग समोर आर्णीवरून यवतमाळकडे रॉंग साईटने जाणारा ट्रक एमएच ३१ - टी - ८१८ याने दुचाकीस्वार एमएम २८ - एपी ८०५१ ला जोरदा धडक दिली.

या अपघातात महेश सटवाजी सोनेराव (वय १७) व शूभम दिलीप ठोंबरे (वय २५) रा. आंबेडकरनगर, माहूर. जि. नांदेड हे जागीच ठार झाले. घटनेची माहिती मिळताच पोलिस उपनिरीक्षक किशोर खंदार, जमादार मनोज चव्हाण यांनी घटनास्थळी पोहोचून दोन्ही मृतदेह शविच्छेदनासाठी पाठविले. घटनेनंतर ट्रक घटनास्थळी सोडून चालक पसार झाला.