आर्णी (यवतमाळ ) : विधानपरिषदेच्या १२ सदस्यांसाठी होत असलेल्या मतदान प्रक्रियेत जोर धरू लागला. उमेदवार निवडून येण्यासाठी प्रचारासाठी नवनवीन शक्कल लढविली जात आहे. शिक्षक मतदारांना आपली भूरळ घालण्यासाठी वेगवेगळ्या आमिषांचे प्रलोभने देताना प्रचार यंत्रणा दिसून येत आहे. यासंबंधित एक व्हिडिओ सोशल मीडियावर व्हायरल झाला आहे. आमदार श्रीकांत देशपांडेंची मुली आणि मुलाने मतदारांना प्रचारासाठी फोन केला आहे. मात्र, मतदारांनीच त्यांचे जुने कामे काढून त्यांची खरडपट्टी काढल्याचे दिसून येते.
शिक्षक मतदारसंघाच्या निवडणुकीत उमेदवारांनी तर आपले संपूर्ण कुटुंबच प्रचार करण्यासाठी कामाला लावले आहे. उमेदवारांचे मुले दूरध्वनीवरून थेट मतदारांशी संवाद साधत आहेत. त्यांच्या खुशालीची चौकशी करीत आपल्या वडिलांसाठी मताची भीक मागताना दिसून येत आहे. मात्र, मतदार सुशिक्षित असल्याने त्यांना आश्वासनाची भूरळ घालणे आता कठीण झाले आहे. कारण मतदार प्रचार करणाऱ्यांनाच उलट प्रश्न विचारत आहेत. तुमच्या वडिलांनी काय काम केले? हे आधी त्यांना विचारा मग प्रचार करा, असे प्रश्न विचारले जात आहेत. या प्रचाराचे अनेक ऑडिओ क्लिप व्हायरल होत आहेत. यामध्ये शिक्षक मतदारसंघाच्या उमेदवाराच्या प्रचारासाठी दूरध्वनीवरुन संवाद साधणाऱ्या मुला, मुलींना मात्र आपल्या निष्क्रिय वडिलांचा होत असलेला अपमान सहन करावा लागत आहे. हेच ऑडियो रेकॉर्डिंग सोशल मीडियावर विनोदी भाग म्हणून पाहिले जात आहे. यातून होणारा विनोद मात्र त्यांच्या कार्याची प्रचिती करून देत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.