यवतमाळ : खरीप हंगामामध्ये अतिवृष्टीमुळे हातातोंडाशी आलेला घास गेलेल्या शेतकऱ्यांवर दररोज नवीन संकटे येत आहेत. त्यानंतर आता ढगाळ वातावरणामुळे रब्बी हंगामाचे पीक अडचणीत येण्याची शक्‍यता आहे. या वातावरणाचा गहू, तूर व हरभरा यांसह इतर पिकांनाही फटका बसण्याची शक्‍यता आहे. त्यामुळे शेतकऱ्यांनी पिकांना जपावे, असे आवाहन कृषितज्ज्ञांनी केले.

हेही वाचा - Big Breaking : वाढदिवस साजरा करायला गेले, पण वाटतेच...

जिल्ह्यात जवळपास दोन लाख हेक्‍टरवर रब्बी हंगामातील पेरणीचे नियोजन करण्यात आलेले आहे. आतापर्यंत शभंर टक्के पेरणी आटोपलीदेखील आहे. मात्र, गेल्या काही दिवसांपासून जिल्ह्यात ढगाळ वातावरण आहे. त्याचा परिणाम तूर व हरभरा या पिकांवर होण्याची शक्‍यता व्यक्त केली जात आहे. काही भागांत पाऊस झाला. त्यानंतर आता धुक्‍याची चादर पसरत आहे. अशा परिस्थितीत शेतपिकांचे नुकसान होण्याचा धोका आहे. तुरीचे पीक सध्या अनेक ठिकाणी बहरावर आलेले आहे.

हेही वाचा - वाघ बघायचाय? पेंच- ताडोब्यात होतेय हमखास दर्शन; ही आहे...

काही ठिकाणी दाणे भरण्याच्या अवस्थेत आहे. हरभरा या पिकाला काही ठिकाणी फुलेदेखील आलेली दिसत आहेत, तर गहू काही ठिकाणी फुलं सोडण्याच्या अवस्थेत तथा पोटरीवर आहे. काही आंबा मोहरीवर सुटले आहेत. अशा अवस्थेत दोन-तीन दिवस ढगाळी वातावरण राहिल्यास पिकांवर अनिष्ट परिणाम होईल. पराग सिंचनाअभावी व किडींचा प्रादुर्भाव यामुळे तुरीवरील फुलांची गळती होण्याची दाट शक्‍यता आहे. धुक्‍याचे परिणाम टाळण्यासाठी पहाटे व संध्याकाळ धूर पेटविणे गरजेचे आहे. तूर व हरभरा पिकांवर किडींचा प्रादुर्भावाविषयी शेतकऱ्यांनी अधिक जागरुक राहावे, असे आवाहन कृषितज्ज्ञांनी केले आहे. 

हेही वाचा - शंकरबाबा यांच्या मानस कन्येचा रविवारी लग्नसोहळा,...

आर्थिक नुकसानीच्या पातळीवर म्हणजे तुरीवर दोन आळ्या प्रतिझाड व हरभऱ्यावर दोन अळ्या प्रतिमीटर इतके आढळून आल्यास स्पर्शजन्य व लेबल क्‍लेम नोंदणीकृत कीटकनाशकांची फवारणी करावी. धुक्‍याचा परिणाम कमी होण्यासाठी पिकाला हलके ओलित करावे.
- डॉ. प्रमोद यादगिरवार, सहयोगी संशोधन संचालक, विभागीय कृषी संशोधन केंद्र, यवतमाळ.