साखरी (जि. यवतमाळ) : सोयाबीन कापणीसाठी जाणाऱ्या मजुराचे वाहन उलटल्याने, यात एक जण ठार, तर तिघे जखमी झाले. ही घटना सोमवारी (ता. ४) पहाटेच्या सुमारास यवतमाळ जिल्ह्यात घडली. किशोर नकटू झबाडे (वय २८) असे मृत मजुराचे नाव आहे. नवनाथ भोयर, प्रकाश गेडाम आणि जयराम झबाडे अशी जखमींची नावे आहेत. मागील आठवड्यात सोयाबीन कापणीसाठी घेऊन जाणारे एक वाहन सावलीजवळ उलटले होते. त्यात एक ठार व तेरा जण जखमी झाले होते.
सध्या सोयाबीन कापणी सुरू आहे. कापणीसाठी चंद्रपूर, गडचिरोली जिल्ह्यातील मजूर मोठ्या प्रमाणावर वऱ्हाडात जात आहेत. हरंबा येथील काही मजूर रविवारी यवतमाळ जिल्ह्यात सोयाबीन कापणीसाठी निघाले होते. रात्री आठ वाजताच्या सुमारास एमएच ३४ डी ३-०१५३ क्रमांकाच्या टाटा एस वाहनाने किशोर झबाडे, नवनाथ भोयर, प्रकाश गेडाम आणि जयराम झबाडे यवतमाळ जिल्ह्याकडे निघाले होते.
यवतमाळजवळ वाहन पोहोचत असतानाच चालकाचा डोळा लागला. त्यामुळे त्याचे वाहनावरील नियंत्रण सुटले, वाहन उलटले. यात किशोर झबाडे या गंभीर जखमी झाला, तर नवनाथ भोयर, प्रकाश गेडाम आणि जयराम झबाडे हे किरकोळ जखमी झाले. उपचारादरम्यान किशोर नकटुजी झबाडे याचा मृत्यू झाला. उर्वरित जखमींची प्रकृती धोक्याबाहेर आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.