यवतमाळ : डिजिटल इंडियाची स्वप्नं पाहणाऱ्या भारतात शाळकरी मुलांना रोज धोकादायक प्रवास करावा लागण्याच्या अनेक घटना आपल्याला देशात पहायला मिळतात. यवतमाळ जिल्ह्यात जवळपास ४० विद्यार्थ्यांना रोज असा धोकादायक प्रवास करावा लागतो.

सीतारामन यांच्या वक्तव्याची शोभा डे उडवताय खिल्ली

जीवघेणा प्रवास
उमरखेड तालुक्यातील सीमेवरील विद्यार्थ्यांना आजही शिक्षणासाठी जीव धोक्यात घालून प्रवास करावा लागतोय. चातारी गावाजवळ पैनगंगा नदी वाहते. याच नदीच्या पलीकडे नांदेड जिल्हा तर, अलीकडे यवतमाळ जिल्हा आहे. पावसाळ्यात ही नदी दुथडी भरून वाहते. नांदेड जिल्ह्यातील  दिघी आणि लगतच्या तीन चार गावांतील विद्यार्थ्यांना माध्यमिक शिक्षणासाठी चातारी येथे यावे लागते. त्यासाठी ही शाळकरी मुलं तराफ्यावर बसून, शिक्षणासाठी असा धोकादायक प्रवास करावा लागतो.

आता उर्मिला मातोंडकर करणार ‘या’ पक्षात प्रवेश?

मुलांचा प्रवास सुखकर व्हावा
गेल्या अनेक वर्षांपासून या नदीवर पूल व्हावा, अशी गावकऱ्यांची मागणी आहे. मात्र, याकडे कुणीच लक्ष दिले नाही, असे गावकरी सांगतात. दिघी आणि लगतच्या गावांतील विद्यार्थी चातारीला शिक्षणासाठी येतात. दुसरीकडून चातारीला येण्यासाठी दीड किलोमीटरवरून आणि शेतातून वाट काढत यावे लागते. त्यामुळे विद्यार्थी या नदी पात्रातून येतात त्यांचा प्रवास अडचणीचा असल्याचे पालक सांगतात. गेल्या अनेक वर्षांपासून असा प्रवास सुरू असून रोज 35 ते 40 विद्यार्थी असा प्रवास करतात त्यामुळे हा धोकादायक प्रवास सुखकर व्हावा, अशी मागणी गावकऱ्यांची आहे.