Eknath Shinde vs Uddhav Thackeray banners in Thane: मुख्यमंत्री एकनाथ शिंदेंच्या ठाण्यात शिवसेना उद्धव बाळासाहेब ठाकरे गटाकडून शिंदेंना डिवचणारी बॅनरबाजी करण्यात आली आहे. हिंदुत्वावरुन आणि पक्ष चोरण्याचा उल्लेख करत हा बॅनर लावण्यात आला आहे.

पक्ष कुणी चोरला? दुसऱ्याची गोष्ट चोरणे हे हिंदुत्व नाही. काय आहे हिंदुत्व ? अशा आशयाचा हा बॅनर लावण्यात आला आहे. विशेष म्हणजे ठाणेकरांना याविषयी आपल्या प्रतिक्रिया व्हॉट्सअॅप वर कळवा असं आवाहन करण्यात आलं आहे. हे बॅनर शिवसेना उद्धव बाळासाहेब ठाकरे पक्षाचे ठाणे जिल्हाप्रमुख केदार दिघेंकडून लावण्यात आले आहे. त्यामुळे आता या बॅनरला शिंदे गटाकडून उत्तर दिलं जाणार का हे पाहणं महत्वाचं असेल.