लोकसभा निवडणुकीत एकहाती सत्ता न मिळाल्यानं आंध्र प्रदेशातील चंद्राबाबू नायडूंच्या तेलगू देसम पार्टी आणि बिहारमधील नीतिश कुमारांच्या संयुक्त जनता दलाच्या पाठिंब्यावर नरेंद्र मोदी तिसऱ्यांदा पंतप्रधान झालेत आणि एनडीएचे सरकार अस्तित्त्वात आले. त्याचाच परिणाम आजच्या अर्थसंकल्पात पाहायला मिळाला. यामध्ये चंद्राबाबू नायडू मुख्यमंत्री असलेल्या आंध्र प्रदेशसाठी १५ हजार कोटींच्या निधीची तर, नीतीश कुमार यांच्या बिहारसाठी २६ हजार कोटी रुपयांची तरतूद करण्यात आली आहे.