Created By: News Checker

Translated By : Sakal Digital Team

डबल डेकर एक्स्प्रेस वे रोडचा व्हिडिओ नागपूर आणि मुंबईचा असल्याचे सागंण्यात येत असून हा व्हिडीओ सोशल मिडीयावर व्हायरल होताना दिसत आहे.

दावा

डबल डेकर एक्स्प्रेस वे रोडचा व्हिडिओ नागपूर आणि मुंबईचा असल्याचे दाखवण्यात आले असून हे विकासकाम भाजपला चारशेच्या पुढे नेणार असल्याचे सांगण्यात आले. त्याचबरोबर या डबल डेकर एक्स्प्रेस वे रोडचा व्हिडीओ सोशल मिडीयावर शेअर केला जात आहे.

एक्स पोस्टचे अर्काईव्ह येथे पाहा.

सत्य

नागपूर आणि मुंबईतील भाजप सरकारच्या विकासकामांबद्दलचा व्हिडिओ असल्याची पडताळणी करण्यासाठी, 'न्यूज चेकर'ने प्रथम व्हिडिओच्या मुख्य फ्रेम्सची रिवर्स इमेज सर्च केले. हे करत असताना, 'न्यूज चेकर'ने अनेक सोशल मीडिया पोस्ट आढळल्या ज्यात व्हायरल व्हिडिओ चीनच्या ग्वांगडोंगमधील असल्याचे सांगण्यात आले आहे. 4 एप्रिल 2024 रोजीच्या YouTube पोस्टमधील व्हिडिओला कॅप्शन दिले आहे: “चीनमध्ये सरकारी अधिकारी नागरीकांच्या समस्या सोडवण्यावर त्यांचा वेळ केंद्रित करतात.”'चायना ट्रिप' नावाच्या यूट्यूब चॅनेलवरील या व्हिडिओसोबतच्या पोस्टमध्ये 'ग्वांगडोंगचा डबल-डेकर एक्सप्रेसवे' असे वर्णन करण्यात आले आहे.

पुढील तपासात, या माहितीच्या आधारे, 'न्यूज चेकर'ने संबंधित कीवर्डसाठी Google शोधले. त्यामध्ये, 'न्यूज चेकर'ने बेलफास्ट, युनायटेड किंगडम येथे काउंसल जनरल म्हणून काम करणाऱ्या चिनी राजनयिक आधिकारी झांग मेफांगची या व्हिडिओसह एक पोस्ट आढळली.

2 एप्रिल 2024 रोजी त्यांच्या अधिकृत X खात्यावरून या व्हिडिओसह पोस्टला कॅप्शन दिले आहे, “चीनमधील पायाभूत सुविधांच्या जलद विकासाचा अनुभव घेऊया… ग्वांगडोंगमधील हा डबल-डेकर एक्स्प्रेसवे शहरातील वाहतूक कोंडी लक्षणीयरीत्या कमी करतो”.

तपासादरम्यान, चीन दूतावास-मनिलाच्या अधिकृत फेसबुक पेजवर एक व्हायरल व्हिडिओ देखील सापडला. 4 एप्रिल 2024 रोजी केलेल्या पोस्टमध्ये त्याचे वर्णन 'Guangdong's Double Decker Expressway' असे देखील करण्यात आले आहे. ग्वांगडोंग हा दक्षिणपूर्व चीनमधील एक किनारपट्टी प्रांत आहे. जो हाँगकाँग आणि मकाऊच्या सीमेवर आहे. या माहितीवरून व्हिडिओत दिसणारे रस्ते हे नागपूर मुंबईचे नसल्याचे स्पष्ट झाले.

निष्कर्ष

'न्यूज चेकर'ने केलेल्या तपासणीत (Fact Check) आढळले की, व्हायरल दावा खोटा आहे, व्हिडिओमध्ये दिसणारा डबल डेकर एक्सप्रेस वे चीनच्या ग्वांगडोंग प्रांतातील आहे.

'न्यूज चेकर' या संकेतस्थळाने याबाबतचा रिपोर्ट प्रसिद्ध केला आहे. शक्ति कलेक्टिव्हचा भाग म्हणून 'सकाळ'ने याचं भाषांतर केलेलं आहे.