जगातील प्रत्येक मनुष्याचे आयुष्य किती आहे हे ठरलेले असते. मनुष्य त्या वयापर्यंतच जगू शकतात. त्याचप्रमाणे प्राण्यांचेही असते. पण, याला अपवाद ठरलेली एक कोंबडी सध्या सोशल मिडीयावर जागत आहे. कोंबडीच्या वयाबद्दल असे म्हटले जाते की त्यांचे आयुष्य सुमारे 5 वर्षे असते. त्यानुसार 10 वर्षे वयाची कोंबडी वृद्ध मानली जाते.पण, एका कोंबडीवर देवाची एवढी कृपा झाली आहे की ती दिर्घायुषी बनली आहे.  

अमेरिकेतील मिशिगन येथील पीनट नावाची ही कोंबडी अधिक वयाची आहे. तिचे सध्याचे वय 20 वर्षे 304 दिवस आहे. या वयामुळे या कोंबडीचे नाव नुकतेच गिनीज वर्ल्ड रेकॉर्डमध्ये नोंदवले गेले आहे. तिला 'जगातील सर्वात जुनी कोंबडी' ही पदवी देण्यात आली आहे.

अमेरिकेत असलेली ही कोंबडी बॅंटम जातीची आहे. कोंबड्यांच्या या जाती आकाराच्या बाबतीत इतर जातींपेक्षा किंचित लहान असल्या तरी इतर बाबतीत सारख्याच असतात. प्राण्यांच्या डॉक्टर ज्युलिया पार्कर यांनी पिनटचे वय अधिक असल्याचे स्पष्ट केले. कारण, त्या पहिल्यांदा 2003 मध्ये पिनटला भेटला होता.

याआधी 1989 मध्ये जन्मलेल्या मफी या कोंबडीला सर्वात वयस्कर कोंबडीचा किताब मिळाला होता. मफी 23 वर्षे 152 दिवस जगली होती. 2012 मध्ये तिचा मृत्यू झाला. ती रेड क्विल मफ्ड अमेरिकन जातीची होती.

गिनीज बुकच्या म्हणण्यानुसार,पिनटचा जन्म होण्याआधीच आईने तिला सोडून दिले होते. त्यानंतर मार्सी डार्विन यांनी तिचे संगोपन केले. दोन वर्षांपासून पिनट मार्सीच्या स्वयंपाकघरात पोपटाच्या पिंजऱ्यात राहत होती.

मार्सीने याविषयी सांगितले की, पिनट इतर कोंबड्यांच्या तुलनेत 1-2 जास्त अंडी देते. वयाच्या आठव्या वर्षापर्यंत ती अंडी घालत राहिली. तिने आयुष्यात अनेक पिले जन्माला घातली आहेत. तर तिची अनेक नातवंडे आहेत.

पिनटचे पालन करणाऱ्या मार्सीने तिच्याबद्दल सांगितले की, प्रजननाच्या बाबतीत ती आता वयस्कर झाली आहे. पण जेव्हा ती तरूण होती तेव्हा तिचा सर्वात चांगला मित्र लान्स नावाचा कोंबडा होता. गेल्या काही वर्षांपासून बेनी नावाचा कोंबडा पिनटची काळजी घेत आहे.त्यांच्यातील प्रेम काळजी सर्वकाही मी पाहतो. मला त्यांचा खूप हेवा वाटतो.