पूणे : मम्मी सांगते म्हणून रोज पप्पांना उठवायला जाणे हे आजच्या लहान मुलांचे सकाळचे काम आहे. बेडवर चढून पप्पांचे अंथरून ओढून त्यांना उठवल्याशिवाय ही मुलं गप्प बसत नाहीत. असेच काहीसे चित्र एका अभयारण्यात पहायला मिळाले. सिंहाचा एक बछडा आपल्या पप्पांना उठवायला आला. ते उठले नाहीत म्हणून त्यांच्या पोटावर चढून बसला. बाप लेकाचा हा क्युट व्हिडीओ सोशल मिडीयावर व्हायरल झाला आहे.

सिंहाचा बछडा झोपलेल्या सिंहाला उठवण्याचा प्रयत्न करत आहे. अनेक वेळा तो सिंहाच्या अंगावर चढतो. त्यांच्या चेहऱ्यावर पंजा मारतो. पण अथक प्रयत्न करूनही पप्पा काही उठत नाहीत. हे पाहुन तो निघून जातो. कदाचित तो आईला पप्पा उठत नाहीत हे सांगायला गेला असेल.@lion_ins_ नावाच्या युजरने इन्स्टाग्रामवर हा व्हिडिओ शेअर केला आहे. ही क्लिप दोन दिवसांपूर्वी पोस्ट केली होती. या व्हिडिओला 2k पेक्षा जास्त लाईक्स मिळाले आहेत.