नवी दिल्ली - हिरो इलेक्ट्रिकने त्यांच्या लिथियम आयन रेंजच्या इलेक्ट्रिक स्कूटरला पाच वर्षांची वॉरंटी देण्याची घोषणा केली आहे. ही वॉरंटी स्कूटरची बॅटरी आणि चार्जर वगळता इतर गोष्टींसाठी असेल. हिरोच्या इलेक्ट्रिक स्कूटरवर सध्या ठराविक कालावधीत या ऑफरचा लाभ घेता येणार आहे. पेट्रोलच्या वाढत्या किंमतीमुळे इलेक्ट्रिक स्कूटर घेण्याकडे ग्राहकांचा कल आहे.
हिरोने ही ऑफर 1 जानेवारी ते 31 मार्च 2021 या काळात खरेदी करणाऱ्यांसाठी दिली आहे. हिरो इलेक्ट्रिकचे म्हणणे आहे की, ग्राहकांच्या प्रतिसादाच्या आधारवर लिथियम आयन बॅटरीवर चालणाऱ्या स्कूटरवरील ऑफर कायम करण्याचा विचार करू.
इलेक्ट्रिक स्कूटरच्या चाचणीबद्दल सांगताना कंपनीचे सीईओ सोहिंदर गिल यांनी सांगितलं की, ही ऑफर ग्राहकांमध्ये या गाडीबद्दल विश्वास निर्माण करेल. हिरो इलेक्ट्रिकची राजस्थाममध्ये 50 अंश सेल्सियस तापमानात चाचणी केली होती. अशा वातावरणातही गाडी चांगली चालली. सध्या पेट्रोल डिझेलचे दर वाढत आहेत. अशा वेळी ग्राहकांना ही गाडी नक्कीच आकर्षित करेल. कारण या स्कूटरचा खर्च पेट्रोलवर चालणाऱ्या गाड्यांपेक्षा नक्कीच कमी असेल.
तरुणाईमध्येही पर्यावरणपूरक वाहने वापरण्याचं प्रमाण वाढत आहे. हिरो इलेक्ट्रिकने स्वत:ची वेगळी ओळख तयार केली आहे. तर कंपनी आता देत असलेल्या ऑफरमुळे ग्राहकांची संख्याही वाढेल असा विश्वास हिरोच्या एका डिलरने केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.